فغان ائيله‌ميسن
یازار : amir
+0 به يه ن
ديديم: اي غنچه دهن، كونلومي قان ائيله‌ميسن!
ديدي: «بي‌جا يئره عشقمده فغان ائيله‌ميسن!
ديديم: انصاف ائيله اينجيتمه مني عاشقينم...
ديدي: «گئت!،سرّيمي دنيايه عيان ائيله‌ميسن
ديديم: آغلاتما مني سرو بويون شوقينده!
ديدي: «گوز ياشيني بيهوده روان ائيله‌ميسن
ديديم: آخر گوزليم، باغ و بهاريم سنسن
ديدي: «سن عمريني حسرتله خزان ائيله‌ميسن
ديديم: آز چكمه‌ميشم گوزلرينين حسرتيني
ديدي: «اؤز كونلوني يئر سيز نگران ائيله‌ميسن
ديديم: عشقينده اسيرم، منه بس خيري نه‌دير؟
ديدي: «اولده بو سوداده زيان ائيله‌ميسن
ديديم: عشق آتشي نيلر منه؟ قورخان ده‌گيلم
ديدي: «بيچاره يانارسان! نه گومان ائيله ميسن؟
ديديم: اي گل! من ازلدن‌ده گوزه‌ل عاشقيم
ديدي: «سن روحيني عشق‌ائيله جوان ائيله‌ميسن
ديديم: هر گون سر كوي‌ينده دولانماقدر ايشيم
ديدي: «واحد، نه گوزه‌ل يئرده مكان ائيله‌ميسن
علي آقا واحد
نه ايميش
یازار : amir
+0 به يه ن
اي خوش اول مست كه بيلمه زغم عالم نه ايميش
نه چكر عالم اوچون غم نه بيلير غم نه ايميش
بير پري سلسله عشقينه دوشدوم ناگه
شيمدي بيلديم سبب خلقت آدم نه ايميش
واعظ اوصاف جهنم دئير اي اهل ورع
وار اونون مجلسينه بيلكي جهنم نه ايميش
اوخي كوكسيمدن اوتوب قالميش ايميش پيكانين
آه بيلديم سبب آه دمادم نه ايميش
اي فضولي مزه ي ساقي و صهبا بيلدين
توبه قيل تا بيله سن زرق و ريا هم نه ايميش
حكيم فضولي
سفر
یازار : amir
+0 به يه ن
قرانليقين كوچه سين دهن گونش ضيافتينه
سفرده‌يم گئديره‌م سئوگي مين زيارتينه
گره ك بو دار كومه دهن اوز قويام سماواته
وئره‌م بويوك عرضي جوهرين طراوتينه
سفر بوليل لي سولاردان گره ك دي ماوي ليگه
قاتام بو دامجي ني دريالارين لطافتينه
قيرام نه باغلي ليقيم وار بو كوهنه توپراق دان
چكه‌ام قاناد ابدي وارليقين مساحتينه
سفر سفر ابدي دور دونوم لي داغ دره لي
نهايتين ده چاتير خلقتين قيامتينه
سفرده‌يم بويوروبلاركي يولچو يولدا گره ك
او دوركي ائلچي گئدير كهكشان سياحتينه
يحيوي اردبيلي
توفان
یازار : amir
+0 به يه ن
دولغون سمالاردان ياغير توفان لي توفان ياخشي باخ
حيران كونول ده چيرپينير عصيان لي توفان ياخشي باخ
يئرسيز ده ييل بير بويله هاي بيربويله گون بير بويله آي
هاردان آخير بيربويله چاي بو جان لي توفان ياخشي باخ
جوشغون دي شاعرسينه سي اوددور اوره ك گنجينه سي
شاعر خياليندان بيتر آلقان لي توفان ياخشي باخ
بو حس يوخ بير جذبه دير روحو ياران بير ضربه دير
توپراق جانين ديكسينديرير عصيان لي توفان ياخشي باخ
رقصان دي عالم شبهه سيز هم غمزه گر هم عشوه ريز
وارليق نه دي جوشغون دنيز طغيان لي توفان ياخشي باخ
آخ آخ رياست ده ن دئمه زوردان سياست ده ن دئمه
ديل باغلادار قان آغلادار بحران لي توفان ياخشي باخ
قوي كوكره سين قان چايلاغي جوشسون سوزون قان قايناغي
چاخناشديران دا ائلچي ني جولان لي توفان ياخشي باخ
حيران
یازار : amir
+0 به يه ن
قارانليقين كوچه سين دهن گونش ضيافتينه
سفرده‌يم گئديره‌م سئوگي مين زيارتينه
گره ك بو دار كومه دهن اوز قويام سماواته
وئره‌م بويوك عرضي جوهرين طراوتينه
سفر بوليل لي سولاردان گره ك دي ماوي ليگه
قاتام بو دامجي ني دريالارين لطافتينه
قيرام نه باغلي ليقيم وار بو كوهنه توپراق دان
چكه‌ام قاناد ابدي وارليقين مساحتينه
سفر سفر ابدي دور دونوم لي داغ دره لي
نهايتين ده چاتير خلقتين قيامتينه
سفرده‌يم بويوروبلاركي يولچو يولدا گره ك
او دوركي ائلچي گئدير كهكشان سياحتينه
يحيوي اردبيلي