آتا بابا سؤزلري۱۳
یازار : amir
+0 به يه ن
تولكو وار باش قوپارير ، قوردون آدي بد نامدير
تويدان سونرا ناغارانين فايداسي اولماز
تويوغو بير خالوار بوغدانين ايچينه سالسان ، يئنه ائشَلنمگي
ندن قالماز
تيكه قارين دويورماز؛ محبّت آرتيرار
جرگه دن قالان قوتور اولار
جيداني اوغورلايان يئريني بيلر
جيداني چووالدا گيزلتمك اولماز
چؤمچه قازانين تكيني دئشيب
چؤمچه قازانين ديبينه داياندي
چؤمچه قازانين ديبينه دَيير
اخير پاخير آچاندير
چاخيري ايچ شير بؤيرو ييرتماغا ، ايچمه قارغالار گؤزونو دَلسين
چاخيري تؤكسن سيچانين بوغازينا ، گئدر پيشيگين پئشوازينا
چاخيري تؤكسن كئچينين گؤتونه قوردون پئشوازينا گئدر
چاخيري كئچينين بوغازينا تؤكسن واريب داغلاري آشار
چاخيري لالا وئرسن لال ديل آچار
چاردا آلتيندا هر آرواد گؤزلدير
چالخالانديقجا زمان نئهره كيمي ، ياغ ياغ اوسته گئدير ، يارما ياوان قالار
چوخ يئكه سيچيب ، باشيندان دا ديشلَيير
چوخ يوماقلا قارا پالاز آغارماز
چولاق آت سيّده نذيرئير
چيراق اؤز ديبينه ايشيق وئرمز
حالين پيسدير اؤل قورتار
حاييف قيمته قالماز
خارادا چالغي ، اورادا قالغي
خاراللارا سيغمايان جانيم ، توربا داغارجيغا سيخيلدي
خالتاني آسلان بوينونا وورمازلار
خورَگين دادي آغيزدادير
خورَيي دويونجا يئمه ، گؤزون دالينجا قالماسين
گيزله نيب
یازار : amir
+0 به يه ن
اۆره‌ييمده نئچه – نئچه
ياس قارێيێب، واي گيزله‌نيب
هيمه بنددي گؤزله‌ريمده،
نئچه چئشمه، چاي گيزله‌نيب
اۆره‌ييمي كيمه آچێم ؟
درد الينده‌ن هارا قاچێم ؟
دۇمان قوْيمۇر اێشيق ياچێم
بۇلودومدا آي گيزله‌نيب
داغلار آلتدا نله‌ر ياتێر،
ياتێر، داغ- دره‌له‌ر ياتێر.
ايچيمده نعره‌له‌ر ياتێر،
روحومدا هاراي ياتير
زليم خان يوسف اوغلي يعقوببيز نييه سئومييه‌ك بير - بيريميزي
یازار : amir
+0 به يه ن
يئر گؤيۆ، داغ داغێ، داش داشێ سئودي،
تانرێ ناخێش وۇردو نقاشي سئودي،
گؤز گؤزه بوْيلاندێ، قاش قاشێ سئودي،
بيز نييه سئومييه‌ك بير - بير يميزي،
چمه‌نله‌ر توْرپاغا خالي چكيرسه،
خالێدا ياشێلێ، آلي چكيرسه،
آري چيچه‌كله‌رده‌ن بالێ چكيرسه،
بيز نييه سئومييه‌ك بير - بير يميزي،
اۇلدوزلار سايرێشێب گؤز وۇرۇر آيا،
چئشمه‌له‌ر چاغلايێب تؤكۆلۆر چايا،
سئوه‌نله‌ر گليرسه هر گۆن دونيايا،
بيزنييه سئومييه‌ك بير - بير يميزي،
گۆل شئهديده‌ن گۆج آلێر، مامێر قايادان،
گؤز اوْد دان قێزارێر، چيچه‌ك هايادان،
سۆزۆلۆب گليرسه كؤكده‌ن، مايادان،
بيز نييه سئومييه‌ك بير - بير يميزي،
عؤمور گؤز قێرپيمي، فيرصه‌ت آزدێسا،
كؤنۆل سوْن نفس ده سێنان سازدێسا،
اۆچۆب اليميزده‌ن گئدن يازدێسا،
بيز نييه سئومييه‌ك بير - بير يميزي،
عؤمرۆن هم سئوينجي، هم آهێ وارسا،
پروانه يانغێسێ، شمع آهێ وارسا،
آده‌مين جننه‌ت ده طاماحي وارسا،
بيز نييه سئومييه‌ك بير - بير يميزي،
ياغێش گؤزه‌للـه‌رين اؤپۆر اۆزۆنۆ،
داملا پێچيلتێلا دئيير سؤزۆنۆ،
شلاله قايادان آتێر اؤزۆنۆ،
طوفان داغێ سئوير، دالغا دنيزي،
بيزنييه سئومييه‌ك بير - بير يميزي،
زليم خان يوسف اوغلي يعقوب
ســن ياريميـن قاصـديســن
یازار : amir
+0 به يه ن
ســن ياريميـن قاصـديســن
ائيلـن سـنه چاي دئميشم
خيالينــــي گؤنــدريـــب دير
بس كي من آخ واي دئميشم
آخ گئجـــه لر ياتماميشـــام
من سنه لاي - لاي دئميشم
ســن ياتالـي مـن گؤزومـــه
اولدوزلاري ساي دئميشم
هركس سـنه اولدوز دييــه
اؤزوم سـنه آي دئميشــم
سنـــدن صـــوْرا حياتــه مــن
شيرين دئسه زاي دئميشم
هر گؤزه ل دن بير گول آليب
سـن گؤزه له پاي دئميشـم
سنيـن گون تـك باتماغينــي
آي بـاتـانـا تـاي دئميشــــم
اينــدي يـايـا قيــش دئييــرم
سابق قيشا ياي دئميشم
گــه تويونــي يـاده ساليـــب
من دلي ناي - ناي دئميشم
صوْنــرا گينــه ياســه باتيــــب
آغلاري هاي - هاي دئميشم
اتـك دوْلــــو دريـــــا كيــــمي
گؤز ياشيـما چاي دئميشــم
عؤمره صـوره ن من قارا گـون
آخ دئميشــم واي دئميشــم
اوستاد شهريار
عجب غم خوارسيز قالديم....
یازار : amir
+0 به يه ن
نه مدت دير من بيچاره يا رب يار سيز قالديم
پوزولدو رونقيم، داغيلدي ائو، پرگارسيز قالديم؟
كيمه اظهار ائديم درديم ؟ هاني بير محرم اسرار؟
غميم چوخ، غمگساريم يوخ، عجب غمخوارسيز قالديم
دريغا بيلمه ديم قدرين من اول يار وفادارين
عجايب سخت جانام، يارسيز، من عارسيز قالديم؟
غم هجرانا يانديردين مني، اي چرخ دون بسدير
رحيم اسمينه آللاهين دئييم ، اقرار سيز قالديم
نباتي توبه قيل ، ايمانا گل ، افسانه دانيشما
نولا بير يول دئسه ن كي: يا علي! من يارسيز قالديم
حكيم نباتي