باهار اولدي
یازار : amir
+0 به يه ن
باهار اولدي گل اي دلبر تماشا قيل بو گلزاره
بوراخدي غنچه لر پرده، بشارت بولبول زاره
شقايق پرده دن چيخدي بوياندي باغ ايله بستان
ايرشدي گلشني حسنون بوياندي رنگ ازهاره
م
ني منع ائتمه اي زاهد، گوونمه ذكره اي صوفي
كي سن مغرورسان ذكره منم مشتاق ديداره
كي هر بلهم اضل بيلمز ندور كي عشقين احوالي
ايرشمز قاصرين عقلي بو مغلق سر اسراره
عبير و مشك و عنبر تك رياحين دن چمن دولدو
سحرده طعن ائده ر ساچون نسين مشك تاتاره
كي چيخدي غنچه دن سنبل گريبان چاك ائده ر من تك
دليندي غصه دن باغريم، سن ائتمه اوره گيم پاره
چمنلر مختلف اولدي هزار الوان چيچك لردن
آچيلدي نرگس و لاله و نسرين، شكوفه گلدي اشجاره
آچيلدي نرگس و لاله توتوبدور ياسمن چادر
سؤيودلر ارغوان تيتره ر، قميشلر يئتدي انهاره
بنفشه گول تماشاسي غنيمت بيل كي بئش گوندور
ساتار معشوقه گول حسنون خريدار اول بو بازاره
ييغيلدي جانينا جاني، دمي عيسي نسيمي نين
وصال دردينه درمان ايرشدي جان بيماره
مولانا نسيمي
عشق دير
یازار : amir
+0 به يه ن
قد انار العشقُ للعشّاقٍ منهاج الهدا
سالك راه حقيقت عشقه ائيلر اقتدا
عشق دير اول نشئه ي كامل كيم آندان دير مدام
مئيده تنوير حرارت، نئيده تاثير صدا
وادي وحدت، حقيقتده، مقام عشق دير
كيم مشخص اولماز اول واديده سلطاندان گدا!
ائيله مز خلوت سراي سرّ وحدت محرمي
عاشقي معشوقدن، معشوقو عاشقدن جدا
اي كي اهل عشقه سؤيلرسن ملامت، تركين ائت
سؤيله كيم، ممكون مودور تغيير تقدير خدا؟
عشق كلكي چكدي خط، حرف وجود عاشقه
كيم اولا ثابت، حق اثباتينده نفي ماعدا!
اي فضولي انتها سيز ذؤوق بولدون عشقدن
بؤيله دير هر ايش كي حق آديله قيلسان ابتدا
حكيم فضولي
تاريم منيم
یازار : amir
+0 به يه ن
سيزلايير احواليما صبحه قدر تاريم منيم
تكجه تاريم دير قارا گونلرده غم‌خواريم منيم
چوخ وفالي دوستلاريم واردير، يامان گون گلجه‌يين
تاردان اوزگه قالمايير يار وفاداريم منيم
يئر توتوب غمخانه ده، قيلديم فراموش عالمي
من تارين غمخواري اولدوم، تار غم‌خواريم منيم
گوزلريمه هر تبسم سانجيلير نئشتر كيمي
كيپريگي خنجردي، آه، اول بي وفا ياريم منيم
آسمان آلدي كناريمدان آي اوزلو ياريمي
ياش توكر اولدوز كيمي بو چشم خون‌باريم منيم
اي بو غملي كونلومون تاب و تواني، سويله بير
عهد و پيمانين نه اولدو، نولدو ايلغاريم منيم
شهريارم گر چي من سوز مولكونون سلطاني‌يم
گوز ياشيمدان باشقا يوخدور در شهواريم منيم
اوستاد شهريار
لاله ده من ده
یازار : amir
+0 به يه ن
بير غم ده اوره ك داغلاميشيق لاله ده من ده
بيرغنچه ده قان آغلاميشيق ژاله ده من ده
گوم گوي گوگريب زانباقين آرخ اوسته جمالي
زانباق دا يانير عشق اودونا لاله ده من ده
ساپ ساري سارالميش اوزوم آلاله مثالي
بير دلبره مفتون اولوب آلاله ده من ده
قيپ قيرمزي گول تك قيزارير اوزده ياناق لار
حسرت له باخير گول اوزه محتاله ده من ده
گلشن ده چمن يام ياشيل افغانيده بولبول
بولبول ده گليب تنگه داخي ناله ده من ده
آغ آپپاق آي اوسته توكولوب قاپ قارا زولفون
حيرت له باخير آي اوزوده هاله ده من ده
من "يوسف" عشقم يانيرام عشقين اودوندا
نورس ده يانير عشق ده صد ساله ده من ده
احسان اولسون
یازار : amir
+0 به يه ن
گويلومي ايسته سه هر كيمسه هراسان اولسون
اودا من تك گوروم آخيرده پريشان اولسون
مين گويول حسرت نانيله پريشان اولسا
قويمارام دلبريمين زلفي پريشان اولسون
هر كيم ايستير وطنيندن قاچا ديوانه كيمين
تا اولونجه قالا غربتده، مسلمان اولسون
مومن كامل ايديم بنده فراوانليغدا
كافر اولدوم، بو گرك كي باهاليقدان اولسون
بوش يئره خلقه پلو وئرمه، منيم حقيمي وئر
شول الذمه ده دن ارواحينا احسان اولسون
گورورم شوقه گليبسن دالين ايستير حجمت
واقتي واردير، هله قوي ماه حزيران اولسون
گئده!، من زورايله خلقين يولوني كسمه ميشم
بوردا كئچمير عملي، عازم تهران اولسون
منه لازيمدي اوباشدانه پلو، شامه كباب
سنده سعي ائيله قازان، سفره ده شوربان اولسون
گرچه اون دانه يليم واردي ماهوت تره زري
حاجي سئومير دئيير از مخمل كاشان اولسون
موعدي كئچميش بولارين ايسته ميرم اي خياط
منه بير يل تيكه سن اگنيمه چسبان اولسون
لكن اما سنه بير يل تيكه رم تهراني
حاجي خوشلانسا گرك مزدي فراوان اولسون
بئله شئيلرده حاجي، كان سخاوتدي باجي
وئره جك ايسته ديگين هر نئچه تومان اولسون
فقط اما كاسيبا بير قره تنبل وئرمز
گرچه باشدان آياغا پيكري عريان اولسون
يوخسول همسايه سنين حاليني گورمور مطلق
بئله دولتلي گرك قانينا غلطان اولسون
«معجزين» اولماسا افطاره كبابي- آشي
قورخورام خاچ ساليب بوينونا، آلمان اولسون
معجز شبستري