ديلبر
یازار : amir

آي اوزلو نگاريم كيمه مهمان اولاجاقسان
بير سويله كيمين شانينه شايان اولاجاقسان
شاهليق چتري وار باشين اوستونده بو آخشام
عنبر چترينله كيمه سلطان اولاجاقسان
شكر دئميرم من سنه اوندان دا شيرين سن
دلبر نئجه بير بختوره جان اولاجاقسان
ظلمت گئجه سن نورلي چيراغ، پيس گوزه گلمه
اي آب حيات سن كيمه جانان اولاجاقسان
گئتدين نئجه بس تاب ائله سين هجره نظامي
او خسته ايكن، سن كيمه درمان اولاجاقسان
نظامي گنجوي
جماليندير نگاريستان
یازار : amir

منيم اي نازلي دلداريم، منيم اي درديمه درمان
منيم اي دولتيم، واريم، باغيشلا، گئچ گناهيمدان
سالاندا سن مني بنده، ياخينليق اولماسا سنده
اگر قانيمي توكسنده، يولومدان دونمرم بير آن
شيريندير لبلرين دلبر، او گول رخساريني گوستر
يازيق كونلوم سني ايستر، مني الدن سالير هجران
جمالين پرده يه سالما، بو عاشيقدن اوزاق قالما
اگوزومدن انتقام آلما، مني قويما بئله حيران
بدخشان لعلي سنسن يار، اوزون ياقوت كيمي پارلار
سنون حسنونده دير گلزار، جماليندير نگارستان
منيم چين ليلي، عمر انسان، و يا بلقيس و صنعانسان
يادا بير ماه كنعانسان، سنه اولسون جانيم قوربان
مني سن مجنون ائتميش سن، حياتدا محزون ائتميش سن
اوزونه مفتون ائتميش سن، ائديبسن قلبيمي بريان
دئييرديم من سنين يارين؟ كي اولدوم ايندي بيمارين
سنين نوراني رخسارين، مني يانديردي، اي جانان
نظامي اولدو بيچاره، ائديب هجرانين آواره
تاپيلمير دردينه چاره، اولوب جاري گوزوندن قان
نظامي گنجوي
سنه خاطر
یازار : amir

قان ياش توكوب هجرونده گوزومده ببگيمده
قيرميزدي قيزيل لالـــــــــه لريندن اتگيمده
گيتدون گوزليم آتش هحــــرونده آليشديم
شمـــــع تك اريديم سولدوباغيمدا چيچگيمده
آلالــــــــه بيتر قبريمين اوستونده گوررسن
زيراكه منيم دفن اولوب عشقيـــم اوره گيمده
بيلمم بو نه حكمت دي نه سيردى سنه خاطـــر
تيترير جان ائويم لرزه له نير تيرديــره گيمده
حسرت چكيـــــــرم بير سني روياده گوريدم
افسوس كه گلـــيب تنگه ديليمده ديله گيمده
غملر گـــــميسي غرق اولا جاقــدي كولگيمده
آتا بابا سوزلري۵
یازار : amir

ائل مالي ايله دوست قازانيلماز
ائل مالينا كم باخان گوزلرينن قان دامار
ائل مالينا گوز تيكمه- اوزون قازان –اوزون يئه
ائل ماليناد گوز تيكن گوزسوز قالار
ائل ماليني قورو اوز مالين كيمي ناموسو ائله دوشر
ائل نغمه سيني ائلدن اويرنرلر
ائل هارا سن ده اورا
ائل همتيله-قوش قانادلا
ائل ياخشي_ بيز يامان –ائل بوغدا_ بيز سامان
ائل ياخشيليغين اونوتماز
ائل يانديران شامي (شمع) سوندورمك اولماز
ائل بير اولسا داغ اوينادار يئردن
ائل يوموروغونو گورمين – اوز يوموروغونو باتمان سانار
ائلچي چوخ اولار- قيسمت آز
ائلچيسي گونوم اولان – باشينا كولوم اولار
ائلچيه اولوم يوخدو
ائلچيه زاوال يوخدو
ائلدن درس آلان لوغمان اولار
ائلدن گلسه ملامت –قالانماسان سلامت
ائلده اولان- بيگ ده اولماز
اولكه دن اوزاغ چيخان اوكوزون بوينوزون كسر لر
ائللر بيزه بيز ائللره
ائللر كوچر داغلار قالار
ائللر مين ياشار – بگ لر يوز
اولمك اولمكدي خيريلداماق نه دير؟
اولن آدام ديريلمز
ائله آرخالانان ايگيد باشا چاتار
ائله اولماسيدي بئله اولمازدي
ائله ترپن اوز اياغين اوسته دورا بيلسن
ائله خانيم باجيم چئزر – بونا مگر تومان دوزر؟
ائله كي قوجالدين اوز يرين بيل
اولو دوروب مورده شور يويور
اولو قبريستانان قاييتماز
اولو قبيردن چيخماز
اولو قبيردن گئري قاييتماز
اولو قويون سوتلو اولار
اولو گرك تك قالماسين
اولو دن شيطان ال چكيب اينسان ال چكمير
اولو ده بير گون شووني ده بير گون
اولوسو اولن بير گون آغلار دليسي اولن هرگون
اولوسو اولن پاخيل اولار
اولوسيله ديريسي بير دير
سنبلوم
یازار : amir

سنبلوم، سنبلوم، ساري سنبلوم!
آدينا سوز قوشوم باري، سنبولم!
ائللر حسرتي در بو امري وئرن،
شيرين گئجه لرده يوخوما گيردن
ياشيل تارلاميزين منظره سي در
خرمن اوستونده كي آنا سسيدر
سنبلوم، سنبلوم، ساري سنبلوم!
كونلومين قوناغي، ياري سنبلوم!
قاباقدان آل گييب گلنده بهار،
ائللر سني آنار، سني سلاملار
گوز اوسته يئرين وار بيزيم وطنده
بويوك بير ئولكه نين گوزي وار سنده
سنبلوم، سنبلوم، ساري سنبلوم!
سنمي سن چيچگم، سنمي سن گلوم؟!
قالديرسين باشيني گوگلره ساري
گنيش خرمنلرده درز تايلاري
باخديقجا دشمنين گوزي قارالسين،
خزان يارپاغي تك اوزي سارالسين...!