بوقاتار وصالدان حسرته گئدير
یازار : amir
+0 به يه ن
بوقاتار وصالدان حسرته گئدير،
وطن اوره ييمد ن غربته گئدير.
دئيه سن آيري بير قيسمته گئدير،
نه اولار،ساخلا يين گئدن قاتاري.
گولوشوآپارير،گؤزياشيم قالير،
اوره ييم بوشالير،گؤزلريم دولور.
بو قاتارآيريليق هاواسي چالير،
نه اولار،ساخلايين گئدن قاتاري.
زاماني دوغراييب بيچير بوقاتار،
سئوگيمين اوستوندن كئچير بوقاتار.
منيم گؤز ياشيمي ايچير بوقاتار،
نه اولار،ساخلايين گئدن قاتاري.
يويورسم،چاغيرسام چاتا بيلمه رم،
قلبيمدن قوپاريب،آتا بيلمه رم،
گئتدي مي؟ بير داها توتا بيلمه رم ،
نه اولار،ساخلايين گئدن قاتاري.
منيم باهاريمي آپاريب گئدير،
اليني اليمدن قوپاريب گئدير.
قويمايين ياريمي آپاريب گئدير
نه اولار،ساخلايين گئدن قاتاري.
نصرت كسمنلي
بوعشقين ياسيني ساخلاياجاغام
یازار : amir
+0 به يه ن
بوعشقين ياسيني ساخلاياجاغام ،
سن گئدن يوللارا باخماياجاغام .
آغلاسام گيزليجه آغلاياجاغام .
منيم گؤز ياشيمي گؤرمه يه جكسن.
طالع اويونلارا آتاجاق سني،
فريادين گؤيلره چاتاجاق سنين.
گوناهين گؤزونو توتاجاق سنين،
منيم گؤز ياشيمي گؤرمه يه جكسن.
او گولن شكلينه باخيب آغلاسام،
گؤزومه بيرعينك تاخيب آغلاسام.
اوزومو اووجوما سيخيب آغلا سام،
منيم گؤز ياشيمي گؤرمه يه جكسن.
سن ائله بيلمه كي،غمدن اوزاقسان،
بير ياغيش آلتيندا سؤنن اوجاق سان.
اوزومه باخماغا اوتاناجاقسان ،
منيم گؤز ياشيمي گؤرمه يه جكسن.
نصرت كسمنلي
بوسه لبيندن
یازار : amir
+0 به يه ن
حسنون گؤزل آيت لري اي سئوگلي جانان
اولموش بوتون عالمده سنين شانينه شايان
گل ائيله عنايت منه وئر بوسه لبيندن
چونكي گؤزلين بوسه سيدير عاشيقه احسان
سوردوم كي كؤنول هاردادي آلديم بو جوابي
هئچ سورما تاپيلماز اونو آختارسادا انسان
رحم ائيله دئييب سيل كيمي گؤز ياشيمي تؤكدوم
گل قانيمله اَل يوما اي آفت دوران
انصافين اگر اولسا آچيق سؤيله «نظامي»
سنله نئجه رفتار ائلسين اي مهي تابان
گل سؤيله جوابين نه اولار سورغو زماني
احواليمي سندن سوروشارسا قيزيل اسلان
نظامي گنجومي
آتا بابا سوزلري۶
یازار : amir
+0 به يه ن
آخيردا گولن ياخشي گولر
آخيرده گلن قاپيني اؤرتر
آدامين آغزي آشا چاتاندا ، باشي داشا دَيَر
آراليق اويونون آراليقدا اوينارلار
آراليق سؤزو ائو ييخار
آراليق مالي آرادا يئييلر
آرواد كيشينين قولتوق ساعاتي دير
آرواد مالي قاب دستمالي
آروادا شريك اول، مالا شريك اولما
آريق آتا قويروغو دا يوكدور
آريق آتا يوك چاتمازلار
آريق آتدا تَپر چوخ ، يئريمَيه هونر يوخ
آريق اؤكوزه بيچاق اولماز( آريق اؤكوز كسيلمز)
آز اولسون ، دوز اولسون
آز يئه هميشه يئه
آزانچي چكر سويوغو ، موللا يئير تويوغو
آزاندا گئت شيطان ائوينه
آستا آتين تَپيگي بَرك دَير
آستا گئدن منزيل كسر
آستا گئدن يورولماز، يورويَن يولدا قالار
آشيق گؤردويون سؤيلر
آغاج بار وئرديكجه ، باشين آشاغي تيكر
آغاج توتان باش ياراندان چوخدور
آغاج گتيرَنين اوّل اؤزون وورارلار
آغاجين ايكي باشي وار
آللاه قوناغينين اؤز قسمتني وار
آليجي نين گؤزو ساتيجي دا اولار
آوازين ياخشي گلير ، اوخودوغون اولسا! « قرآن »
• اؤ كوزو اولانا ، گؤن بورج وئرمزلر
اؤرتولو بازار دوستلوغو پوزار
ائرتَيه قالان ، بلادان قورخما ائرتَيه قالان ، آرخايا قالار
اؤردك اتين قاز اتين ، يئيَن بيلر لإّتين
حلقه اولدوق قاپيسيندا يئنه مئيخانه لرين
یازار : amir
+0 به يه ن
حلقه اولدوق قاپيسيندا يئنه مئيخانه لرين
بو حاليله يئتيشك وصلينه پئيمانه لرين
بيزخراباتا اوشاق واختي گليب دؤشمه ميشيك
كرپيچ اولدوق ديواريندا بو قديم خانه لرين
ديليمين خنجري عاشيقلري دوغرار گؤندوز
گئجه شمعيم ياخاجاق آتشه پروانه لرين
مشورتله آچيلير سيرّي اگر دونياميزين
من دئييم سنده چئوير تسبحينين دانه لرين
ايستريك تئز قوتارا صوحبتيني ايندي قلم
واقيف اوللوق حالينا سونرادا ديوانه لرين
خوابي غفلت آلاجاق آلسا بيزي آغوشونا
بيرجه آندا دؤشريك قوينونا افسانه لرين
او گوزللر ائله هوپموشدو بيزيم جانيميزا
صائب اولدوق ماياسي بيزده بو بوتخانه لرين
صائب تبريزي