كوسموشم
یازار : amir
+0 به يه ن
دوزموشوم اول قدر هجرانه دوزومدن كوسموشم
اوزموشم اميد وصلتدن اوزومدن كوسموشم
اويموشام ايللر بو ظاهربين گوزون فتواسينه
اَيري لر دوز گورموشم، از بس گوزومدن كوسموشم
گورموشم چون مصلحت چنگنده طبعيم رام اولور
ائلدن الهام آلديغيم شيرين سوزومدن كوسموشم
تكجه عاصم سونمه يير سينه مده عشقين آتشي
سانما بئش گونلوگ سمندر تك كوزومدن كوسموشم
قدريني بيلمز
یازار : amir
+0 به يه ن
فراقي چكمه ين عاشيق، وصالين قدريني بيلمز
جميله اولمايان واصيل، جمالين قدريني بيلمز
شب اسراده قوسينين ايكي نصف ائيله دي آيي
بو معجزدن اولان غافيل، هلالين قدريني بيلمز
دوداغين سلسبيليندن خبردار اولمايان جانسيز
اونون ماهييتي اود دور، زلالين قدريني بيلمز
مدور نقطه ي خالون، ببك دن عينينه قوندي
ببك سيز قالسين اول گوزكي بو خالين قدريني بيلمز
نهالون اعتداليندان، اوتانار سدره و طوبي
بو قدي بنزه دن سروه، نهالين قدريني بيلمز
سني سندن ديلر كونلوم، نه دونيانين زر وگنجين
كي اول مالي سئون جانسيز، بو مالين قدريني بيلمز
اوزوندور پرده آللاهين يميني، كعبه سي، بيتي
يميني بيلمميش هر كيم شمالين قدريني بيلمز
گونش ماه تماميندن زواله اوغراشور هر گون
نه دن شول آفتابي بي زوالين قدريني بيلمز
لب لعلون وصاليندان جدا اولماق منه دوشمز
بو ذوقي بيلمه ين صوفي، بو حالين قدريني بيلمز
"نسيمي" صوفي دگيشمز غموندن گئيديگي شالي
كي اول صوفي صفاسيزدور بو شالين قدريني بيلمز
آتا بابا سوزلري ۸
یازار : amir
+0 به يه ن
ائله تيكه گؤتور كي ، اودا بيلَسن
ائله دون گئيمك گرك كي ، ياماغي ائوده تاپيلا
ائله سؤز دئه كي ، كالي تؤكولسون دَيميشي قالسين
ائله سؤز دئيير كي ، پيشميش تويوغون گولمگي گلير
ائله قازانين بئله ده آشي اولار
اؤيرنمَيه عار اولماز
اؤيودو آلمايانا وئرلر
اائله چؤمچه نين بئله ده قازاني اولار
احتياج انسانس هر ايشه قويار
ارز ايشيني اؤزون گؤر
اركوزو اولانا يول گؤسترن چوخ اولار
اغاج بهشتدن چيخيب
اكينچي نين اومودو اكينه دير
او قدر درد چكيب قارني دومبولا( دؤهول) دؤنوب
اوبا ييه سيز قالاندا دونوز تپَيه چيخار
اوبات كؤپكسيز اولماز
اوتا قاتسان آت يئمز، اته قاتسان ايت يئمز
اوتنجاغين ائششگين قورد يئير
اوجاق ايچيندن توتوشار
اوجاق كئچر ، كولو قالار
اوجاق يئري كولوندن معلوم
اوجاقدان كول اكسيك اولماز
اوجوزلو اتين شورباسي اولماز
اوچ ائششك بير آخيردان آرپا يئمز
اوچ تومنليك ائششگين اون بئش قيرانليق قودوغو اولار
اوچوق ائو خرابه سيندن بللي اولار
اوخ كيمي دوغرو اولسان الده توتارلار سني، ياي كيمي اَيري اولسان چؤله آتارلار سني
اوخ يارادان چيخار ، عداوت اورَكدن چيخماز
اوخويان ياشا باخماز
اودلا اوينايانين اوّل آخير الي يانار
اودونا گئدنين بالتاسي ايتي اولار
اورتا اويونو آورتا يئرده اوينارلار
اورتاق چوخ اولدوقجا زيان آز اولار
اورَك اؤز دوستونو تانييار
اورك بير شوشه دير، سينديرسان ياماماق اولماز
اورَك دنيزدن دَريندير
اورَك قولاق دئييل كي ، بارماقلا قوردالاياسان
اورَك كي وار شوشه دير، سينديرسان كيم يامار؟ !
اورَك يانارر ، گؤزياشارار
ورَك يانماسا ، گؤزدن ياش چيخماز
اورَكدن اورَگه يول وار
اورَگيمين داشقينيني آغيز دئير
آدي قويارلار « رمضان » اوروج توتمايانين اوغلونا
اوزاق يئرين آرپاسيندان ياخين يئرين ساماني ياخشيدير
اوزاقدان باخانا داعوا آسان گؤرونر
اوزاقلاشماق ياخينلاشماقاوچون واسيطه دير
ناز ايله ميسن!
یازار : amir
+0 به يه ن
چوخلار انجيكدي كي، سن اونلارا ناز ايله ميسن
من ده اينجيك كي، منيم نازيمي آز ايلمه ميسن
ائتميسن نازي بو ويرانه كؤنولده سلطان
ائوين آباد اولا، درويشه نياز ايله ميسن
هر باخيشدا چاليبان كيپريگي مضراب كيمي
بير قولاق وئر بو سينيق قلبي نه ساز ايله ميسن؟
باشدان آچ يايليغي افشان ايله سوسن- سنبل
سن بيزيم بايرامميزسان قيشي ياز ايله ميسن
سن گون اول، قوي غم ميز داغدا قار اولسون، اريسين
منيم آنجاق ايشيمي سوز و گداز ايله ميسن
من بو معناده غزل يازمالي حاليم يوخدي
سن جوجوق تك قوجاني فرفره باز، ايله ميسن
كاكلي باشدا بوروب باغلاميسان تاج كيمي
او قيزيل ساچدان اونا، گوللي قوتاز ايله ميسن
سينه بير دشت مغان دير، قوزي يان- يانه ياتيب
منيم آغلار گوزومي اوردا آراز ايله ميسن
بو گوزلليك كي جهاندا سنه وئرميش تانري
هر قدر ناز ائله سن ايله، كي آز ايله ميسن
من بو سوز يله آتدين، آرالاندين بيليرم
آراني بير پارا نامرديله ساز ايله ميسن
دستماز ايله ديگين چشمه،مسيحا قاني دير
بيلميرم هانسي كليساده نماز ايله ميسن؟
من«عشيران» اوخوسام، پنجه«عراق» اوسته گزه ر
گوزليم، «ترك» اولالي، ترك «حجاز» ايله ميسن
تازا شاعر، بوده نيز هر نه باخيرسان ديبي يوخ
چوخ اوزاتسان بوغازي، اوردهگي قاز ايله ميسن
بسكه زلف و خط خالين قوپالاغين گؤتدون
زلفعلي نين باشيني آزقالا داز ايله ميسن
گل! منيم ايسته ديگيم كعبه ييخيلماز، اوجالار
باشدادا كژ گئده سن، ديبده تراز ايله ميسن
خط و خاليندن آليب مشقيمي قرآن يازارام
بو حقيقت له مني، اهل مجاز ايله ميسن
مني، دان اولدوزي، سن ياخشي تانيرسان كه سحر
افقي خلوت ائديب رازو نياز ايله ميسن
«شهريار»ين داغيليب، داغدا داشا دالدالانيب
ئوزون انصاف ايله، محمودي اياز ايله ميسن
گوزلرينين قاره سينه!
یازار : amir
+0 به يه ن
سوگيليم زولفون توكوبدور گينه اول شانه سينه
قوربانام زولفونه هم زولفو گزه‌ن شانه سينه
گئجه گوندوز گزرم دلبريمين كوييني من
...چونكي يوخ منده لياقت گئدم اول خانه سينه
داليسيجان دوشرم فيكر و خيال ايليه‌رم
دوشجكدير پس هاچان سايه‌م اونون سايه سينه
حوري جنت ده گرك دير گورورم حوري‌ني من
تا كي گوزلر ساتاشير گوزلرينين قاره سينه
دوزدي غمزه اوخونون ياره‌سي كار ائتدي منه
لاكين آرزوم بو دي كي مرهم اولوم ياره سينه
من گونش اولسام اگر سنده گرك مهپاره
چونكي يئتمز اول گونش سئوديگي مهپاره سينه
الهامي علمداري