قوپوز شاعيري « سيّد رضا بني فاطمه (داغلي) »
یازار : amir
+0 به يه ن
كؤزه م مرد اوجاقيندا
يوخسول ائو بوجاقيندا
يايدا بوز شاعيري يم
*********************
شعيريم ائلين سوزودي
آخار سئلين سوزودي
كسگين ديلين سوزودي
من ، قوپوز شاعيري يم
*********************
وطن باغري مين بندي
دوغما يوردوم "اور" كندي
وار بوينومدا كمندي
چؤره ك - دوز شاعيري يم
سيّد رضا بني فاطمه
قوجالماييم نئيله ييم « سيّد رضا بني فاطمه (داغلي) »
یازار : amir
+0 به يه ن
آخي دوستوم قوجالماييم نئيله ييم
آدام يوخ ! آغيلي ايلدن ايچينده
آخي دوستوم قوجالماييم نئيله ييم
*******************************
شيرين دانئششانين ، اوره گي آجي
باخير بيربيرينه يولداش قيقاجي
قارداش داشا دؤنوب ، باج آلير باجي
آخي دوستوم قوجالماييم نئيله ييم
********************************
باشيم آغري چكير ، ديليمين اوسته
آرزي مين اؤلوسو اليمين اوسته
ائل دردي ، دوز يوكي بئليمين اوسته
آخي دوستوم قوجالماييم نئيله ييم
بير نفس ايلديريم(مسعود اسلامي)
یازار : amir
+0 به يه ن
اوبا كؤچوب يورد اولايير
قوزقون گودور قورد اولايير
دردلي سوسوب درد اولايير
هوروت – هوروت باخير داشلار
داشا دؤنوب سانكي باشلار
ديل دايانيب گؤز دانيشير
خياليمله سؤز دانيشير
من بيرمسه يوز دانيشير
هوروت – هوروت باخير داشلار
باش اياقدي بوردا، باشلار
ياغمور ياغيب يئر قوخويور
هؤرومجكلر تور توخويور
من آغليرام يئل، اوخويور
هوروت – هوروت باخير داشلار
كيم كيمه دير، آ يولداشلار
توپراقلاري قاتميش اينسان
سئوگيليسين آتميش اينسان
سون دوراغا چاتميش اينسان
هوروت – هوروت باخير داشلار
اوز ايچيندن آخير داشلار
من گئديرم يول دايانير
دول بوشالي قاتارلانير
بيلمزايديم، داشدا قانير
هوروت – هوروت باخير داشلار
داشدان آخير، قانلي، ياشلار
تانيميرسان مني سن ؟
یازار : amir
+0 به يه ن
تانيميرسان مني سن ؟
گئت مني ، داغداكي داشدان خبر آل
مني آيري، ساليب آنلين يازيسي،
داغلاردان
من اوجا داغلارين اؤ
پارچالانان سيرداشييام
باخما ايندي جوان اوغلانلارا من ،
باش داشييام
ساوالانين داشييام؛
يادا گل
كيمليگيمي
گؤزده كي ياشدان خبر آل
من اؤ صحرالري آباد ائلييه ن گؤز ياشييام
من آراز قارداشييام
چيرپينير ائل غمي هي، سينه م ايچره دالغالانير
سينديرير سدلري بيرده ن
كاغاذ اوسته جالانير
بيت لر بير بيرين اوسته قالانير
من اؤ ديللرده قالان شهريارين، يولداشييام
" تايسيزام"
من بير آز اوندان ناشييام .
مرحوم مجيد صباغ ايراني (يالقيز)
یازار : amir
+0 به يه ن
قارا يئل ده اسسه سؤندورسه مني كولومو داغيتسا، توزوم قالاجاق
پرده-پرده كولوم بير كتاب اولسا عالمه ياييليب سؤزوم قالاجاق
يانماديم اؤزومه يانديم ائل اوچون يانان اوره كلرده سوُزوم قالاجاق
دونيادا آختارديم گؤزللر ايزين گؤزللر ايزينده گؤزوم قالاجاق
بير يئني يول سالديم يالقيز آد قويدوم گئتسم ده بو يول دا ايزيم قالاجاق...
از كتاب "جيغير-باغير" ص ۱۱۶