يار آغلادي
یازار : amir
+0 به يه ن
يار آغلادي
يارين بويون قوجاقلاديم، يار آغلادي من آغلاديم
ييغيشدي قونشلار بوتون، جار آغلادي منئ آغلاديم
باشيندا قار قالان داغا، دانيشديم آيرليق سؤزون
بير آه چكيب باشيندا كي قار آغلادي من آغلاديم
تاريمدا نار آغاجلاري، مني گوروب دانيشديلار
بويومو زيتون اوخشادي، نار آغلادي
ائله كي اسدي بير خزان، تالاندي گوللريم منيم
خبر چاتينجا بولبوله، خار آغلادي من آغلاديم
اوره ك سؤزون دئديم تارا، سيمليري اولدي پارا پارا
يواش يواش سيزيلدادي، تار آغلادي من آغلاديم
دئديم كي حق منيمكيدي، باشيمي چئكديلر دارا
طناب كسنده بوينومو، دا آغلادي من آغلاديم
«جعفري»يم: بويوم بالا، غم سينمده قالا قالايار جانيمي آلا آلا، يار آغلادي من آغلاديم
دومان چوكوب داغلارينين باشينا
یازار : amir
+0 به يه ن
دومان چوكوب داغلارينين باشينا / چيچك لري ايسلانيبدي ياشينا
وورولموشام تورپاغينا داشينا / جانيمدان چوخ من وطني سئوميشم
گئجه-گوندوز كئشيگينده دورارام / داغلاريندا سنگريمي قورارام
اجنبي نين گوزلريندن وورارام / آتانماز اوخ من وطني سئوميشم
وطن منيم اوجاغيمدي كوزومدو / شيرين-شيرين صحبتيمدي سوزومدو
وطن منيم ايشيغيمدي گوزومدو / اوزگه سي يوخ من وطني سئوميشم
شاعر:جناب بهرام اسدي
نغمه
یازار : amir
+0 به يه ن
گينه آرغين، گينه يورغين، گينه بير غملي اوره ك
يارالي قوش كيمي چيرپينمادادير
كؤز كؤز اوسته قالانير نئيله ملي؟
آليشير دالغالانير نئيله ملي؟
من گرك يار يانان اودلاردا يانام
يار دئييب يار دولانام
هاني ليلي هاني شيرين؟
قويام حسرتلي باشي ديزلرينه
بير باخام غمله دولا گؤزلرينه
دئيم عاشق ادور اودلاردا يانا
نه دئييم چيله خانا چيله خانا؟
گئديرم دونيا بويو دارديمنه
يانماسام عشق اودونا عاردي منه
آجيميش عشقي شيرينلشديره ره م
آيري دوشميش ائلي بيرلشديره ره م
ليلي بو قرنيده اولسايدي اگر
يانديراردي اوزونو عشقه مگر
عشق سلطاني فرج وئرسه بيزه
سئل اولوب گؤز ياشي دؤنمز دنيزه
شيشه ي عمري چاليب سينديرارام
عشق اتوندا اؤزومو يانديرارام
دولدوروب كاسه ي صبري جالارام
چيخارام داغلارا هاي هاي سالارام
نازلي يار گئتسه نه جور تك قالارام
تاپارام عشقيمي هر يئرده اولا
قويمارام تك دولانيب رنگي سولا
ايندي داي گئتمه لييم هر نه اولا
گئديرم دونيا بويو داردي منه
يانماسام عشق اودونا عاردي منه
آجيميش عشقي شيرينلشديره ره م
آيري دوشموش ائلي بيرلشديره ره م
داغيت اؤلكمده دئسين قوشلاريميز
اوخشاسينلار بيزي تاي توشلاريميز
من او غفلن جاداسين تاپلاماديم
نازلي يار گئتدي آياق ساخلاماديم
يار ائشيكدن اؤزون يانديردي
من ايچيم ياندي ، مني ياندير دي
سانما نغمه ال آياق چالمادادير
يارين عشقي جانيمي آلمادادير
ليلي بو قرينده اولسايدي اگر
يانديراردي اوزونو عشقه مگر
عشق سلطاني فرج وئرسه بيزه
سئل اولوب گؤزياشي دؤنمز دنيزه
شيشه ي عمري چاليب سينديرارام
عشق اوتوندا اؤزومو يانديرارام
دولدوروب كاسه ي صبري جالارام
چيخارام داغلارا هاي هاي سالارام
نازلي يار گئتسه نه جور تك قالارام
ايسته يير باشيما دونيا دولانا
گئديرم چيلله خانا – چيلله خانا
يازيچي: جعفري- هوشنگ
مني آتدين آي قيز آي قيز آتشه 2
...
يوللارينا باخا باخا قالدي گوزلريم
سنه چاتسين اوره‌ييمده چي سوزلريم
سويله سويله سنه بئله نه اولدي يار 2
...
مني زولف پريشان تك پريشان ائيله دين گئدين...
ياخيب كؤنلوم ائوين ويران ويران ائيله دين گئدين
گؤزل بير يازكيمي گولجك مني نئيسان تك آغلاتدين ...
قيزل چاي آخدي ديده مدن كؤنول قان ائيله دين گئدين
آخان اولدوز كيمي بير لحظه گؤرسندين اوزاقلاردا ...
ياخان شيمشك كيمي گؤي اوزره سيران ائيله دين گئدين
سيزيلتيم نئي كيمي تودتو بوتون دونياني هيجرينده ...
نفس وئردين قورو جيسمه نواخوان ائيله دين گئدين
ياسلي ساوالان
یازار : amir
+0 به يه ن
اوغول اولموش آتا تك گوزلرين آغلار گورورم
هر طرفدن چكيليب سينه وه داغلار گورورم
آي آلان اوستونو غم چيسگيني ، هر ياني دومان
آي ياغان باشينا غملر اودو ، ياسلي ساوالان
گورموشوك يازدا كوچك لرده چيچكلر آچيلار
هر طرفدن چيمنين سينه سينه گول ساچيلار
ماهني لار قوشماغا باشلار يئنه ده قوشماچيلار
ياز گليب گئتدي يئنه گولمه دين اوچ آيدا بير آن
آي ياغان باشينا غملر اودو ، ياسلي ساوالان
قرنيلر گئچدي سنين گولمه دي بير لحظه اوزون
قانلي ياش توكدو سارالميش اوزونه ياشلي گوزون
غصه دن دوندو قارانليق گئجه اولدو گونوزون
نه سوران حاليني اولدي نه وئرن جيسميوه جان
آي ياغان باشينا غملر اودو ، ياسلي ساوالان
آند وئررم سني او قانه بلنميش داشووا
گئجه گوندوز او گوزوندن توكولن قان باشووا
اورگين درديني بيلدير او "سهند" قارداشووا
سني وارليق سني تانري سني بو آه و فغان
آي ياغان باشينا غملر اودو ، ياسلي ساوالان
سالارام ياديما بير لحظه او گئچميش لريوي
توكولن سنگ جفائيله او دور ديشلريوي
ايزلرم بير بير او حئيرت يارادان ايشلريوي
هامي دان من سنين احوالينا آرتيق نيگران
آي ياغان باشينا غملر اودو ، ياسلي ساوالان
ساكيت اول ، آغلاما قوي بيرجه چكيلسين بو دومان
گون چيخيب ظولمني بير يوللوقا قووسون بورادان
"نبي" گلسين ، بو آت اولسون يئنه داغلار آتيلان
"هجر"ين بلكه يغيلسين گوزو يولدان ، آناجان
آي ياغان باشينا غملر اودو ، ياسلي ساوالان
سوندوره بيلمه دي گوز ياشين اوركدن اودووي
چاغيريم قوي كومك ائتسين سنه اوز اولاديوي
افتخاريله بوگون ذيكر ائدرم پاك آديوي
مرد اوغوللار بئجريب خلقه وئرن شوهرت و شان
آي ياغان باشينا غملر اودو ، ياسلي ساوالان
"بابكين"گئتدي سه بوش قالمادي آمما قوجاغين
دولودور مين ائله اوغلانلاريلا هر بوجاغين
نه قدر يئل اسه طوفان قوپا سونمز اوجاقين
اي بلالر سپري ، خالقا يامان گونده آمان
آي ياغان باشينا غملر اودو ، ياسلي ساوالان
چنلي بئلده "ده لي لر " قوي يئنه قورسون بوساطي
قوچ كوراغلو يئنه جولانه گتيرسين قير آتي
هئچ زامان اصلين ايتيرمز او كي دوزگوندي ذاتي
آند اولا آديوا ، آي گوزلري آغلار ، ياشي قان
آي ياغان باشينا غملر اودو ، ياسلي ساوالان
سن دويوشلرده بير آسلان كيمي دوردون اياغا
اوخ آتيلديقجا بيزه سينه ني وئردين قاباغا
غم يئمكدن داها جانيم يئتيشيب دير دوداغا
نه يامان گونلره گور قالدي بو احساسلي بالان
آي ياغان باشينا غملر اودو ، ياسلي ساوالان
بابالاردان بيزه قالميش بو مثل هاممي بيلر
سو ٬ گلن آرخا دئيبلر يئنه بير گون سو گلر
فلكين داش اورگين آه اوخو آخيردا دَئلر
"بارز" اوغلوندا يئتر سئوديگي ياره او زامان
آي ياغان باشينا غملر اودو ، ياسلي ساوالان
ياز درديمي ساغا لتمادي
یازار : amir
+0 به يه ن
ياراما بير قيش باغلايين
گؤيلومه بولود دؤشه يين
گؤزومه ياغيش باغلا يين
***
تاي توشو قول قاناد چالدي
زيروه لرين اوستون آلدي.
چيرپينا چيرپينا قالدي
اوره ييمه قوش باغلايين
***
بوگونلرده كئچدي بلكه
دورنا اولوب كوچدو بلكه
بو قفس ده اوچدو بلكه
اياغيني بوش باغلايين