iraniturk

"سو"دئييبدير منه اولده،انام اب كي،يوخ

                                                  "يوخو"اويرتدي اوشاقليقدامنه،خواب كي،يوخ

ايلك دفعه كي،"چورك"وئردي منه نان دئمه دي

                                                    ازليندن منه "دوزدانه"، نمكدان  دئمه دي

انام ،اختر دئمه يبديرمنه،"اولدوز "دئييب او

                                                 سو دوناندا،دئمه ييب يخدي بالا،"بوز"دئييب او

"قار" دئييب ،برف دئمه ييب،دست دئمه ييب"ال"دئييب او

                                                منه هئچواخت بيا سويله مه ييب،"گل"دئييب او

ياخشي خاطيرلاييرام،ياز گونو اخشام چاغي لار

                                                 باغچانين گون باتانيندا كي،ايليق گون ياييلار

گل:-دئيه ردي،-داراييم باشيوي اي نازلي بالام!

                                                گلمه سن گر،باجيوين استاجا زولفون دارارام

او دئمه زدي كي ،-بيا شانه زنم بر سر تو

                                                    گر نيايي بزنم شانه سر خواهر تو

بلي،داش ياغسادا گويدن،سن او سان من ده بويام

                                                   وار سنين باشقا انان،واردي منيم باشقا انام

اوزومه مخصوص اولان باشقا ائليم واردي منيم

                                                ائليمه مخصوص اولان باشقا ديليم واردي منيم

ايسته سن قارداش اولاق،بير ياشاياق،بيرليك ائدك

                                                وئريبن قول-قولا،بوندان سورا بير يولدا گئدك

اولا،اوزگه كولك لرله گرك اخماياسان 

                                               ثانيا،وارليغيما،خالقيما خور باخماياسان

يوخسا گر زور دئيه سن ملتيمي خوار ائده سن

                                         گون گلر،صفحه چونر،مجبور اولارسان گئده سن

منبع:http://goshmalar.blogfa.com/