عاشق اوْلان گؤزده گر ك خار اوْلسون
یازار : amir
+0 به يه ن
كيمدير اول، سلسله عشقه گرفتار اوْلسون
تا كي كيفيت مجنونا خبردار اوْلسون ؟
جنتين حور و قصورو سنين اوْلسون زاهد
وارساغي سؤيلمه قوي دوست منه يار اوْلسون
پر و بالينا دگه ن عاشق بيچاره لرين
گؤروم ائودن ائشيگه چيخماق اوْنا عار اوْلسون
او پريچهره كي دائم مني بيمار ايستر
تانريدان ايسته ميشم بيرده او بيمار اوْلسون
نه دوعادير ائله دين يارا نباتي بير اوتان
رسمدير عاشق اوْلان گؤزده گره ك خار اوْلسون
حكيم ابوالقاسم نباتي
اسير دام غم
یازار : amir
+0 به يه ن
اي اسير دام غم، بير گوشه ميخانه توت
توتما زهّادين مخالف پنديني، پيمانه توت
ديشله ديمسه لعلين اي قانيم تؤكن قهر ائيله مه
توت كي قان ائتديم، عدالت ايله قاني قانه توت
گر سنه افغانيمي بيهوده دئرسه مدعي
اوْل سؤزه توتما قولاق، من چكديگيم افغانه توت
قيلمارام زنجير زولفون تركين اي ناصح مني
خواه بير عاقل خيال ائت، خواه بير ديوانه توت
اي اوْلوب سلطان دئيه ن دونيادا مندن غيري يوْخ
سن اؤزون بير جغد بيل، دونياني بير ويرانه توت
اي فضولي دهر زالي نين فريبيندن ساقين
اوْلما غافل ارگيبي ترپن، اؤزون مردانه توت
حكيم فضولي
سنسيز
یازار : amir
+0 به يه ن
عشقين مني دؤندردي گولوم بولبوله سنسيز
كؤنلوم توتولار باخسـام اگـر بير گولـه سنسيــــز
زولفـون اوجي گؤستــردي منه عشق كمنـــدين
دوشدوم يئنه مجنون كيمي ديلدن ديله سنسيز
بير گون اوزونون هيجري بيرآي اوْلدو گؤزومــده
زولفوندن ايراق دؤندي گئجه م بير ايله سنسيز
ليلاسـي ايچـون دؤزمـه دي بيـر محنته مجنــون
حق عاشقي يم دؤزموشم هر مشكله سنسيز
هر عاشقيــن اؤز يارينــه ديـــر ميلي منيـــم ده
ميليم گوله يوْخدور هوسيم سونبوله سنسيــز
گؤزياشـي ايله بسلــه ديگيـم نخـــل اميــــديم
گلمه ز گؤزليم مين گول آچا حاصله سنسيــــز
سن گؤرسن اگــر واحدي رحمين گلــر اي گـول
بيچــــاره ائدير آه و فغان بيــــر بيلــه سنسيــــز
علي آقا اسكندر اف
آتا بابا سؤزلري ۱۲
یازار : amir
+0 به يه ن
پلنگه ات يئمگي ، كئچييَه اوت يئمگي اؤيرتمزلر
پول پولو قازانار پول پولو گتيرر
پول وئرسن ماللا منبردهن دوشر
پولو سايديقجان آزالار
پيادا آتلييا گولر
پيادا گلندن آت آلماغي اؤيرنمه
پيريني تانيمايانين عاقبتي پيس اولار
پيشيك آتاسينين خيرينه سيچان توتماز
پيشيك آرخاسيني يئره وورماز
پيشيك اؤلوب سيچانلارين بايراميدير
پيشيك ائودن چيخاندا ، سيچانلار باش قالديرار
پيشيك بالاسي اؤزونو آناسينين دؤشونده گيزلَدر
پيشيگين دردي ايتي اؤلدورر
پيشيگين قانادي اولسايدي سئرچه دن علامت قالمازدي
پيشيگين گؤزو سيچان دئشيگينده اولار
تئز پاريلدايان تئزده سؤنر
تئز قاچان ،تئز يورولار
تارلادا ايزي اولماياناين سفره ده اوزو اولماز
تازيسيز اووا گئدن ائوه دووشانسيز قاييدار
تازيني خالتاسي ايله تانييارلار
تازينين توپال اولدوغو دووشانين قولاغينا يئتيشيب
تانري ائششگي تانييب ، بوينوز وئرمَييب
تانري قوروياني قورد يئمز
تاوا دليك ياغ توتماز ، تاختا چوروك ميخ توتماتز
تاووس قوشونو توكونه گؤره كَسرلر
تجارت دوستلوق كؤرپوسودور
تَزه ائوه كؤچنده ، كؤهنه ائوين اوجاغيندا كول گؤتررلر
تقدير ايله يازيلان ، تدبير ايله پوزولماز
تك آغاجدان باغ اولماز
تك ال ايله دويون دويونلَنمز
تك الدن سس چيخماز
تك داشدان دووار اولماز
تك قويوندان سورو اولماز
تك گزن داناني قورد يئير
تكرار بيلگين آناسيدير
تكليك آللاها ياراشار
تكه ده قوچ هونري اولماز
تنبل داغدا قار گؤردو ، يورغانينا بوروندو
تنبل ديلنچي نين قارداشيدير
توخ ايت آج بَي دن ياخشيدير
توخ ايكن يئين، ديشي ايله اؤزونه قبير قازير
تورپاغين قاراسي اوز آغاردار
تورپاقنان اوينايان آج قالماز
ايندي
یازار : amir
+0 به يه ن
كونول غم چكمه يار آچميش جماليندن نقاب ايندي
خجالت‌دن اوزون تورپاغه سورتور آفتاب ايندي
او سرو نازنينين قامتي سانكي قيامت دير
كي سالميش خاطير احبابه شوق انقلاب ايندي
طواف كوي جانان قصدين ائتميش عشق چاووشي
بو يوزدن آذري اوغلو اولوبدور فيض‌ياب ايندي
هميشه اهل عشقي بي‌رياليق نيك‌نام ائيلر
نولا، عالم قيلور اهل ريادن اجتناب ايندي
اوميد وصلينه بير نازنينه اعتماد ائتديم
بو شيدا كونلومه هجرينده ائيلر مين عذاب ايندي
دم اورمش يوسف شادي زليخاي محبتدن
اولور معشوقه سيندن خسته عاشيق كامياب ايندي
اول آهو گوزلونين گويا كي گورموش زلف پرچينين
قاچوب دشت خطاده گيزله‌نوبدير مشكناب ايندي
مريده بنده‌ي پير مغانم، عشق فيضيندن
نه ايسترسه‌م، اولور ميخانه‌لرده مستجاب ايندي
من اول ساغرپرست و رند و عياش كهن سالم
منه حرمت قيلوب تعظيم ائدر جام شراب ايندي
سيزينله بيز گوروش‌مگ آرزوسين چوخدان ائتميش‌ديك
داريخما، فطرته يازسن‌ده، واحد، بير جواب ايندي
علي آقا ايسكندر اف