iraniturk

سن ياريمين قاصدي سن                ايلن سنه چاي دئميشم

خياليني گوندريب دي                  بسكه  من آخ واي دئميشم

آخ! گئجه لر ياتماميشام                من سنه لاي_لاي دئميشم

سن  ياتالي من گوزومه                اولدوز لاري ساي دئميشم

هر كس سنه اولدوز دئيه                  ئوزوم سنه آي دئميشم

سندن سونرا حياته  من               شيرين ديسه زاي دئميشم

هر گوزلدن بير گول آليب               سن گوزه له پاي دئميشم

سنين گون تك باتماغيوي                   آي باتانا تاي دئميشم

ايندي يايا قيش دئييرم                 سابق  قيشا ياي دئميشم

گاه طويووي ياده ساليب            من ده لي ناي _ناي دئميشم

سونرا يئنه ياسه باتيب                آغلاري هاي هاي دئميشم

اتك دولي دريا  كيمي                    گوز ياشيماچاي دئميشم

عمره سورن من قره گون                آخ دئميشم واي دئميشم

اوستاد شهريار

  اذن وئر توي گئجه سي من ده سنه دايه گليم

 ال قاتاندا سنه مشاطه تماشايه گليم

  سن بو مهتاب گئجه سي سئيره چيخان بير سرواول 

    اذن وئر من ده دالونجا سورونوب سايه گليم

   منه ده باخدين او شهلا گوزوله من قارا گون  

  جرئتيم اولمادي بير كلمه تمنايه گليم

    من جهنم ده ده باش ياسديقا قويسام سنيله  

  هئچ آييلمام كي دوروب جنت ماوايه گليم

        ننه قارنيندادا سنله اكيز اولسيديم اگر    

  ايسته مزديم دوغولوب بيز ده بو دنيايه گليم

    سن ياتيب جنتي روياده گورنده گئجه لر    

  من ده جنتده قوش اوللام كي او رويايه گليم

        قيتليغ ايللر ياغشي تك قورويوب گوز ياشيميز     

  كوي عشقونده گرك بيرده مصلايه گليم

       سن ده صحرايه مارال لار كيمي بير چيخ نولي كي  

  من ده بير صيده چيخانلار كيمي صحرايه گليم

           آللاهوندان سن اگر قورخميوب اولسان ترسا        

   قورخورام من ده دونوب دين مسيحايه گليم

       شيخ صنعان كيمي دونقوز اوتاريب ايللرجه   

   سني بير گورمك ايچون معبد ترسايه گليم

          يوخ صنم!آنلاماديم,آنلاماديم,حاشا من     

بوراخيم مسجديمي سنله كليسايه گليم

   گل چيخاق طور تجلايه سن اول جلوه ي طور  

من ده موسي كيمي او طوره تجلايه گليم

   شيردير شهريارين شعري الينده شمشير   

   كيم دئيه ر من بئله بير شيرله دعوايه گليم؟

اوستاد شهريار

دوت اليمدن بوهمان الدي فراقينده سنون

ياديمه  سالماق  همان  باشه  چالارديم گئجه لر

حسن  رخساري روياده چكرديم قلمه   

قلبيمي قاب ائليوب قابه سالارديم گئجه لر

بونا خاطر   كي آدين دوشميه اغيار الينه  

  دوزكيمي  آديوي يازديقجا  يالارديم گئجه لر

    بئله  سيزلاردي  اوره ك  يادينا  سالديقجا   سني  

قوش كيمي يئرده دوشرديم چاپالارديم گئجه لر

   بلكه سن ساغ ياشييب ساغ دولانيب ساغ گزه سن  

گوزه ليم  هر قادان  اولسايدي  آلارديم گئجه لر

سن رقيبيمله گونوز سيره چيخاردين چمنه 

منده   عشقينده  سولارديم   سارالارديم گئجه لر

گوزلرين ياديمه دوشدوكجه اسه ردي   بدنيم  

سينه مي  ديرناق آتارديم پارالارديم گئجه لر

تابلو اوستونده چكرديم سني مين زحمتيلن 

بير باخيب اوستونه تئز رنگي جالارديم گئجه لر

    ايندي ده گئتمه ليسن  گئت  دئموروم   من ده  گليم   

قاللام اول حالدا كي اولده قالارديم گئجه لر

مكتب عشقيده مجنونئله من باهم ايديم   

غم ييغارديم سينمه غصه قالارديم گئجه لر

مجنون ئوز عشقيني   ليلايه گوره بيلديردي   

من  گونوز يازديقيم عشقي قارالارديم گئجه لر

اوستاد هوشنگ جعفري

^{اپميين يوخدور-نازلاماغين يوخدور-قوري قوري ديشلميين وار}

^{اپوش اوپوشي گتيرر گوموش گوموشي}

^{اوتوب كچن عوموردور قوجالان اينسان!}

^{اوردك گازكيمي يريسه جرجنك اولار}

^{اوردك گاز يريشي يرييه بيلمز}

^{اورديين بوغازيني چوخ اوزادسان قاز اولار}

^{ائركك قوشون يوواسي اولماز}

^{اوز اوستيراغينا تبيك آتير!!!!!!!!!}

^{اوز بيلديگين دده سينه ده ورمز}

^{اوز داناسين سووارير}

^{اوز سيريني اوزوه ساخلا كي اوزگه ساخلاماز}

^{اوز عيبيني گورن اوزگيه طعنه وورماز}

^{اوز قيزيليميزي اوتوروب اوزگنين گيلينه گدريك}

^{اوز گوزونده تيري گورمز –اوزگنين گوزونده چوپوگورر}

^{اوزگوجونه آتين كيشنتمير}

^{اوز ياشينا گوره هاميا ساييق}

^{اوزباشيمي بزميشدين –تويدا گلين باشي قالميشدي}

^{اوزگه آتينا مينن تئزدوشر}

^{اوزگه اغزينا باخان آج قالار}

^{اوزگه الي ادامين خيرينه اوزانماز}

^{اوزگه الينده كومبه بويوك گورونر}

^{اوزگه اوشاغيندان اوغول اولماز}

^{اوزگه ايپيله قويويا دوشمه}

^{اوزگه باشيندا دللك ليك اويرنير}

ال الدن اسگون اولور

ال الدن قالماز ديل ديلدن

ال الي تانيار

ال الي يوبار-الده دونوب اوزي يوبار

ال الين اورتوبو دور

ال اوزاديلان يره اياغ اوزاديلماز

ال اوزانان يره ديل اوزانماز

ال اوسته اللر وار

ال ايشلر باش بويورار

ال ايله آچيلان دويوني ديشيوه سالما

ال ايلن قاباق آچيق گرك

ال ايلن هر نه ورسن او سنه گلر

ال ايلن آلينمايان اللي ايل قالار

ال ايله پوسته نين آغزيني خندان ائلمك اولماز

ال ايله جيبين آراسندا نه وار؟

ال بش بارماقدير هرسي بير بويدا

ال توتار گوز گورر

ال توتانين اليندن توتارلار

ال قولدان قوت الار

ال قيلينجا گدنده آغلين سسي باتار

ال كسنين الين كسرلر

ال گوزدن اوزاق- ديل باشدان

ال مرد اولار –ديل نامرد

ال ميزان گوز ترزي

ال ورير اتك ورمير

اليله وديگين آياغينن آلابيلمير

ال بوش اوزو قارا

الي قولونان اوزوندور