آنا
یازار : amir
+0 به يه ن
بير جوجوق ايديم يئره گومديلار سني
حياتا قانادسيز آتديلار مني
باخ نئجه پوزولوب عمرين گلشني
حيات سن سيز منه زنداندير آنا!
قوينوندا بسله نر گوزل ديلكلر
لاييقدير سجده يه سنه ملكلر
نرده سن، گوزلريم هپ سني بكلر
باخ اولادين ناسيل گرياندير آنا!
سن بير گونش ايدين، دوغدوندا باتدين
يازيق اولاديني غملره آتدين
بير جواب وئر، هانكي مرادا چاتدين
تورپاقلاردا نئچه زماندير آنا!؟
بير آه چكسم سنسيز قوپمازمي طوفان؟
عزيزيم آنا جان، گوزوم آنا جان
يوموق گوزلريني آچ دابير اويان
ايندي زمان باشقا زماندير آنا!
ييخيليب پايينه اولمك ايسته رم
آناليق مهريني گورمك ايسته رم
سني گورمك ايچون اولمك ايسته رم
تسلليم آه ايله فغاندير آنا!
صمد وورغون
آتا بابا سوزلري ۴
یازار : amir
+0 به يه ن
ائل آغيزي -چوال آغيزي
ائل آغيزي- يل آغيزي
ائل آغيزيلا قوش توتولماز
ائل آغيزي توربا دييل كي بوزسن
ائل آغيزي فالدير
ائل آراسيندا ايت قويروغو كسمزلر
ائل آغيزي كرامت دير
ائل آغزينا باخان آروادين تئز بوشار
ائل آغزيندا بير سوزن يوز رنگي وار
ائل آغزيني باغلاماق اولماز
ائل اوچون آغليان گوزدن اولور
ائل اوغلو يومورتايا قولوپ قويار
ائل ايچينده - اول ايچينده
ائل آيراني يانغيني سويوتماز
ائل ايگيدلريله تانينار
ائل ايلن گلن قارا گون بايرامدير
ائل ايله آلله اكبر
ائل ايله بير آغلا ائليله بير گول
ائل ايله قارا گون بايرامدير
ائل چاراسيز مرد ياراسيز اولماز
ائل چالان زورنانين سسي اوزاقدان گلر
ائل چاليشار- يئر سوينر-يئر بار ورر- ائل سوينر
ائل داغلارا دايانيب –چيراخلي ايندي اويانيب
ائل دليسين چوله آتماز
ائل سوزو- آتا نصيحتي دير
ائل سوزو آتالار سوزو
ائل سسي حاق سسي
ائل شامي(شمع) دائيم يانار
ائل عيبيني سنه دين- سنين عيبين ائله دئير
ائل قاپيسي حكيم قاپيسي
ائل قارييب- توره سي قاريماييب
ائل قالخدي سن ده قالخ
ائل ائل كوچدو وبا قالدي
ائل كچن كورپو دن سن ده كچ
ائل گوزو ياخشي گورر
ائل گوزونن دوشمن بوي آتماز
ائل گوزويله دونيا گورونمز
فدا
یازار : amir
+0 به يه ن
جانيمين جوهري اول لعل گوهر باره فدا
عمرومون حاصلي اول شيوه رفتاره فدا
دردچكميش باشيم اول خال سياه قرباني
تاب گورموش تنيم اول طرّۀ طرّاره فدا
گوزلريمدن ساچيلان قطرۀ اشگيم گوهري
لبلريندن توكولن لولوي شهواره فدا
چاك سينمدن اولان قانلي جگرپاره لري
مست چشمينده اولان قانلي غمزۀ خونخواره فدا
پاره پاره دل مجروحي پريشانيمدن
سركوينده اولان هر ايته بير پاره فدا
جان و دل قيديني چكمكدن ئوزوم قورتاديم
جاني جانانييه ائتديم دلي دلداره فدا
اي فضولي نولا گر ساخلارايسم جاني عزيز
وقت اولاركيم اولا اول شوخي ستمكاره فدا
حكيم فضولي
دل زار سنه
یازار : amir
+0 به يه ن
غمدن ئولدوم دئمه ديم حال دلي زار سنه
اي گلي تازه روا گورمه ديم آزار سنه
ايچ مئي ناب كه باغريندان ائدر جمله كباب
آتش عشق ايله عشاق جگرخوار سنه
مئي گلگوندا دگل نرگس مستين عكسي
قدح اولموش گوز آچيپ عاشقي ديدار سنه
عارضين گول گول ائديبدر مئي گلگون تابي
وه كه بير گولدن آچيلميش نئچه گلزار سنه
باغه سيرائدبورخ لعل ايله كيم غنچه و گل
گوستره خون دل و ديده خونبار سنه
دئرايديم قامتينه سرو ولي ئوزگه ايميش
حركات و روش و شيوه و رفتار سنه
ائيله يب طرف بنا گوشينه درد ديليمي
يا او طاقين دييه يا طرّۀ دستار سنه
من گرفتارينم و فتنه دن اولمان آزاد
هيچ كيم اولماسين اي شوخ گرفتار سنه
لعل نابين هوسي باغريمي قان ائيله ديگين
آه كيم قانلي ياشيم قيلمادي اظهار سنه
اي فضولي فلگين وار سنينله نظري
كيم غم و محنتيني وئردي نه كيم وار سنه
آتا بابا سوزلري۳
یازار : amir
+0 به يه ن
ائششك ائششگه اوزون قولاق دئير
ائششك الومو يونجا دا
ائششك آنقيراندا ايتين باشي آغرييار
ائششك ايشلر آت يئير
ائششك پالچيغا باتاندا اييه سيندن گوجلو اولماز
ائششك پيغامينن سو ايچمز
ائششك تاپيلاندا يوك ووران چوخ اولار
ائششك قاپديغي يووشاني تانيار
ائششك نه بولور خورمانين داديني
ائششك يا اودونا گئدر يا سويا
ائششك يوك آلتيندا آنقيرماز
ائششك يوكه گلمسه يوكو آپار ائششيه ساري
ائششگه آلتون يوكو وورسان گينه ائششك دي
آئشيدمك گدرمگه بنزمز
ائشيدن گورنه خبروئرير
اشيك قار ايچري دار
اشيگه چيخار دازالاق ائوه گيرر مازالاق
اوگئيك دولتدي اولسا اوز ائوين آباد ايلر
ائل اوز دليسين ياخشي تانيار
ائل ائل اوسته سيغينار
ائل ائليله گچينميش قارداش قارداشينان گچينمميش
ائل آتان داش اوزاغا دوشر
ائل آتان داشا گوج چاتماز
ائل آتاني _ار آتار – ائل توتاني ار توتار
ائل آتاني حاق دا آتار
ائل آداما زينت دير