يار قاصدي
یازار : amir
+0 به يه ن
سن ياريمين قاصدي سن ايلن سنه چاي دئميشم
خياليني گوندريب دي بسكه من آخ واي دئميشم
آخ! گئجه لر ياتماميشام من سنه لاي_لاي دئميشم
سن ياتالي من گوزومه اولدوز لاري ساي دئميشم
هر كس سنه اولدوز دئيه ئوزوم سنه آي دئميشم
سندن سونرا حياته من شيرين ديسه زاي دئميشم
هر گوزلدن بير گول آليب سن گوزه له پاي دئميشم
سنين گون تك باتماغيوي آي باتانا تاي دئميشم
ايندي يايا قيش دئييرم سابق قيشا ياي دئميشم
گاه طويووي ياده ساليب من ده لي ناي _ناي دئميشم
سونرا يئنه ياسه باتيب آغلاري هاي هاي دئميشم
اتك دولي دريا كيمي گوز ياشيماچاي دئميشم
عمره سورن من قره گون آخ دئميشم واي دئميشم
اوستاد شهريار