باخيرام ائو-ائشيك بوشدور ائله بيل،
یازار : amir
+0 به يه ن
باخيرام ائو-ائشيك بوشدور ائله بيل،
سنينله واريم دا، يوخوم دا گئديب.
بير اورييم دئييل، بير جانيم دئييل،
دينجليييم ده گئديب، يوخوم دا گئديب.
بير آنليق دينجه ليم، يوخولاييم دئيه
بيرجه علاجيم وار- اونوتماق سني!
اوت كيمي، سو كيمي بيلميرم نييه
هر يئرده ياراديب بو تورپاق سني.
سياح اولورامسا، گؤز ايشله ديكجه
اوولي، سونو يوخ بير دوز اولورسان.
من سني گئجه لر اونوتسام،- گئجه،
گوندوزلر اونوتسام،- گوندوز اولورسان.
داغلارا چيخيرام شيمشكلر سنسن،
ساچيمي داغيدان كولكلر سنسن.
بلكه ده بير سيملي ايكي سازيق بيز،
سن قانسان، من اورك، آيريلمازيق بيز.
قوي بير آن اورييم راحات دؤيونسون،
بو قدر اينصافسيز اولماز كي، آدام!
يوخ، سني بير آنليق اونوتماق اوچون
ممد آراز
قويون دويونجا باخيم گر چه تازيانه سي وار
یازار : amir
+0 به يه ن
قويون دويونجا باخيم گر چه تازيانه سي وار
دييللر سئوگيليمين نازه چوخ علاقه سي وار
گوزل گوزلليقينا ناز ائدر بهانه سي وار
نگاريمين غمي مندندي من نگاريميله
نگاريلن اولانين عومرو جاودانه سي وار
يارالي قوش كيمي قلبيمده آشيانه ساليب
يالاندي شايع اولوب آيري يئرده لانه سي وار
ائله كي صوبح آچيلير غم گئدير گزير دولانير
غروب اولاندا گلير ديلده آشيانه سي وار
ييغيشمايين منيم اي آشنالريم باشيما
خطرليدير اوره گيم اوت توتوب زبانه سي وار
توكوب عذارينه زولفون گئدير ووقاريلن
قويون دويونجا باخيم گرچه تازيانه سي وار
دايانديريب صفه عاشيق لرين آلير جانين
اونا هراس يوخ اولدورسه پشتوانه سي وار
اوغورلاييب دي كونلومدن دين و ايماني
نه يئرده بير اثر انگشت و نه نشانه سي وار
بو مجليس ايچره دئيين جعفري ده ياد اولسون
اودا ديل اهليدي چوخ شعرله ترانه سي وار
عومرومدن بير آن
یازار : amir
+0 به يه ن
عومرومدن بير آني اوغورلاميشيق
قاچيب بؤلوشوروك بو خلوت يئرده
پاييزدان آيريلان كوچه ري قوشوق
كيم بيلر بلكه ده گؤروشدوك بيرده
بؤشالير اوره يين دولور گؤزلرين
كئچيتميش زاماني لعنت له ييرسن
دولاشيب ديلينده قالير سؤزلرين
اؤزونده بيلميرسن نه ايسته ييرسن
اؤرتور گؤزلريني يوخو خوماري
يوخون ساچين كيمي قاريشيق دوشور
فيكيرلي كئچيرسن ، بوگون يوللاري
نصرت كسمنلي
اونودا بيلمه يه جكسن
یازار : amir
+0 به يه ن
سن سيز ائله بيلمه اؤله جه يه م من
قارا بير كدره دؤنه جه يه م من
گئجه لر يوخونا گله جه يه م من
سن مني اونودا بيلمه يه جك سن
عمرونده ناراحات ايزيم قالاجاق
آلووم سؤنسه ده كؤزوم قالاجاق
آرخانجا هميشه گؤزوم قالاجاق
سن مني اونودا بيلمه يه جك سن
سن ائله بيلمه كي غمدن اوزاقسان
عمرونو گونونو اودوزاجاقسان
اؤزونو بلكه ده اودوزاجاقسان
سن مني اونودا بيلمه يه جك سن
مني اونوتماغا عينادين كيمي
ايلك سئوگي آغريسي ، فريادين كيمي
لاپ اؤز آدين سوي آدين كيمي
سن مني اونودا بيلمه يه جك سن
نصرت كسمنلي
غزل وغزال
یازار : amir
+0 به يه ن
بو گئجه باده ايله دفع ملال ائيله ميشم،
عؤمرون بير گئجه سينده بئله حال ائيله ميشم.
بيز هارا، تار هارا، يا رب، گئجه مئيخانه هارا؟
اونودوب دردي بو ايّامدا مجال ائيله ميشم.
ساقي نين غمزه سي اوخ، مئي جامي اولموش سپريم،
فلكين جؤورو ايله جنگ و جدال ائيله ميشم.
مئي دمير تك ائله ييب جانيمي، غمله ووروشوم،
غم دئمه، دوشمنيمي روستم زال ائيله ميشم.
آجي ايامي شيرين ائتمگه سرخوش دولانيب،
كؤنلومو ايندي اسير خط و خال ائيله ميشم.
گؤرموشم من اوزونون ياري سيني، تك قاشيني،
اي اوزونده نئجه گؤر سئير هلال ائيله ميشم.
گئتميش هيجران اوروجو گؤرجك هلال قاشلاريني،
بايرام اولموش بو گؤروش عزم و وصال ائيله ميشم.
گؤرموشم اوزده او زرّين تئلي پروانه كيمي،
يانميشام اودلارا، ترك پروبال ائيله ميشم.
عشق درسي منه اؤيرتسه ده هيجران غميني،
عشقه دوشمكله بئله كسب كمال ائيله ميشم.
ياتماييب صوبحه كيمي من گئجه گون اوزلو يارين،
سينه سي گوزگوم اولوب، سئير جمال ائيله ميشم.
ساقي نين زلفونه عشق باغلاماسا عؤمرو اگر،
من بئله درك ائله ييب، بؤيله خيال ائيله ميشم.
شهريارا غزل ائتميش مني جئيران، گؤزليم،
اوستاد شهريار