قويون دويونجا باخيم گر چه تازيانه سي وار
یازار : amir

قويون دويونجا باخيم گر چه تازيانه سي وار
دييللر سئوگيليمين نازه چوخ علاقه سي وار
گوزل گوزلليقينا ناز ائدر بهانه سي وار
نگاريمين غمي مندندي من نگاريميله
نگاريلن اولانين عومرو جاودانه سي وار
يارالي قوش كيمي قلبيمده آشيانه ساليب
يالاندي شايع اولوب آيري يئرده لانه سي وار
ائله كي صوبح آچيلير غم گئدير گزير دولانير
غروب اولاندا گلير ديلده آشيانه سي وار
ييغيشمايين منيم اي آشنالريم باشيما
خطرليدير اوره گيم اوت توتوب زبانه سي وار
توكوب عذارينه زولفون گئدير ووقاريلن
قويون دويونجا باخيم گرچه تازيانه سي وار
دايانديريب صفه عاشيق لرين آلير جانين
اونا هراس يوخ اولدورسه پشتوانه سي وار
اوغورلاييب دي كونلومدن دين و ايماني
نه يئرده بير اثر انگشت و نه نشانه سي وار
بو مجليس ايچره دئيين جعفري ده ياد اولسون
اودا ديل اهليدي چوخ شعرله ترانه سي وار