آمان آيريليق ، آمان آيريليق «شهريار»
یازار : amir
+0 به يه ن
باشا ساوورير سامان آيريليق آمان آيريليق ، آمان آيريليق
بير گؤزون آچار ، بير گؤزون يومار آرازي سرين گؤرديكده اومار
خزري درين گؤردوكجه جومار قان درياسينا جومان آيريليق
آمان آيريليق ، آمان آيريليق
آرازيم وورسون باش ، داشدان داشا گؤز ياشي گرك باشلاردان آشا
نئجه ياد اولسون ، قارداش - قارداشا نه دين قانير ، نه ايمان آيريليق
آمان آيريليق ، آمان آيريليق
گؤيلرين ، گونون - آيين گيزلدير اولدوز آخديرير ، سايين گيزله دير
اوخوني آتير ، يايين گيزلدير قديمي ائديب كمان آيريليق
آمان آيريليق ، آمان آيريليق
آيريليق گله ، بير كرم قيلا بير نئچه گون ده ، بيزدن آيريلا
غم ده بيز تك سووا ساوريلا هاني بير بئله گومان آيريليق
آمان آيريليق ، آمان آيريليق
دئديم آيريليق ، قيناما مني سني گؤرموشم ائللر دشمني
يوزمين كره ده سيناسام سني همان آيريليق ، همان آيريليق
آمان آيريليق ، آمان آيريليق
آمانسيز گؤزون يومان آيريليق جان جيزليغيندان اومان آيريليق
نه غملي يازار (دومان) آيريليق ديللره سالان دومان آيريليق
آمان آيريليق ، آمان آيريليق
سن اونودسان دا(سليمان) مني اونودمياجاق «شهريار» سني
ياز گله ر ،بولبول قاپسار چمني ايندي ليك سه وسون زمان آيريليق
آمان آيريليق ، آمان آيريليق
اينانمارام
یازار : amir
+0 به يه ن
دئسه لر كي اوُِِلاردوز ، اينانمارام
هر كيمسه داشييار اؤز ذاتين آخير
شه كه ره چئوريله دوز اينانمارام
*************************
قيشين قاري اؤلار يازيندا ياغيش
هر يئتنده ن اؤلماز اوماسان باغيش
قئسير اينه ك وئرسين هارادان ساغيش
بيتيرسه قلمه قؤز ، اينانمارام
*************************
« آي داغلي » مرد اؤلان ائليني آتماز
آلداتماز طاماحا ،سوده سو قاتماز
قولدور قاباقيندا ميمون اويناتماز
يانديرماز دئسه لر كؤز ، اينانمارام
سيد رضا بني فاطمه «داغلي»
سيد رضا بني فاطمه (داغلي)
یازار : amir
+0 به يه ن
آغير اؤلوب يامان داشيم
ديليمد ه ن آغري ير باشيم
چيخاردير گؤزومو قاشيم
باخ ائي دونياميزا باخ ائي
*********************
اؤزومونكو اؤلوب اؤزگه
اؤزلويونه اؤلوب په زگه
قارا تئليم اؤلوب گيزگه
باخ ائي دونياميزا باخ ائي
*********************
زامان اؤلوب لاپ اؤيونجوق
ارككله نير منه قانجيق
"داغلي گويلوم" اؤلور خينجيق
باخ ائي دونياميزا باخ ائي
اوره ييم هاراي «سيد رضا بني فاطمه (داغلي)»
یازار : amir
+0 به يه ن
هاراي باهاريدير ، اوره ييم هاراي
ديله گه ل گوللنسين ديله ييم هاراي
چال توپا قيلينجي ، كس آلما كيمي
يوخسا كسيلرسن بيله ييم هاراي
آشيق اوُل آشيق اوُل ، آشيق اوُل اشيق
ائله ياراشيق اوُل مله ييم هاراي
كوله ك ميداني دير ، چينار اول چينار
اَييلمه اَييلمه كوره ييم هاراي
هارايلا قئيرتي ، قورقود اوُل قور اوُل
هاراي باهاريدير اوره ييم هاراي
سيد رضا بني فاطمه «داغلي»
یازار : amir
+0 به يه ن
ايستييه نين ساغليغينا
ماهني ماهني هوم ايچيره م
ايستييه نين ساغليغينا
**************************
باشيمدا وار ائل هاواسي
سارا دييه سئل هاواسي
بيرجه ساري تئل هاواسي
ايستييه نين ساغليغينا
**************************
اركيم اولسا ، اركه اولار
باشيمداكي بؤركه اولار
اؤز ائليمه ، توركه اولار
ايستييه نين ساغليغينا