بير الا گوزلو اوجا بويلي يارا يار اولموشام
یازار : amir
+0 به يه ن
بير الا گوزلو اوجا بويلي يارا يار اولموشام
جان ويروب ناز الميشام رسواي بازار اولموشام
نيلوم اخر يوخدي بو جاندان صورا ايري واريم
بير بو جاندور گون قباقنده قالان قار اولموشام
ائتمشم ازبر ادين ديلده اولوب غم موسيم
حسرتي ديلده نچه مين يول اولوب وار اولموشام
اولماسا بير كيمسه عاشق درك ائدنمز حاليمي
اديمي عاشق قويوب درده گرفتار اولموشام
جرئتيم يوخدور دييم منده دوغرچي عاشقم
وار بو قدري يانمشام مشتاق ديدار اولموشام
انتظارم گلسه والله خسته گوگلوم دينجلر
چاره ايلر درديمه چوخداندي بيمار اولموشام
خوش گونه حسرتدي گوگوم اولموشام غم دوستاقي
فرقتونده باتمشام ياسه عزادار اولموشام
ليلينون حسنيدي مجوني سالان چولدن چوله
منده عشقوه دوشوب چولدن چوله زار اولموشام
حكم ايدوب حام كه عاشق اولماقين چوخ جرمي وار
ذره قورخوم يوخ اگر منده گنهكار اولموشام
عشق اولا ماواده اتديم باش و جان سوداسيني
قورخوسور منصور تك اماده دار اولموشام
هوشمند اولماق يارين كوينده بيجا فيكريدور
ياره جان قوربان ديوب كوينده زوار اولموشام
بابك كيمي دور قوللاريني چيرمالا هئي هئي
یازار : amir
+0 به يه ن
ترك ائللريني ييغماغا تونقال قالا هئي هئي
باش بؤلگو بؤلنلر سيزي ياددان چيخاديبلار
حق المالي دير دور ياپيشاق قول قولا هئي هئي
غم ديو كيمي دنياني دتوب اوجينا سيخدي
باس بارماغي سينسن بوغازين پارچالا هئي هئي
آي نسل نسيمي سيزه سوسماق كي ياراشماق
تورك اوغلي دئمز آخ! دريسين سويسالا هئي هئي
(شعر از هوشنگ جعفري)
بو قاعده دي آي يئرينه گون گئجه گلمز
یازار : amir
+0 به يه ن
گر جذبه عشق اولسا گتررم نئجه گلمز؟
گر جذبه عشق اولماسا گلسه وئجه گلمز
شعر مهستي خانيمدان
بير ائلي بوراندا قاردا چئكه جم
یازار : amir
+0 به يه ن
بير ائلي باهاردا يازدا جئكه جم
بير شكيل چئكه جم گوز گيله سينه
آرزيلار دوزوله سيل سيله سينه
بير باهار سالاجام قيش چيله سينه
بير لالا خونجاسين قاردا چئكه جم
بير داغي چئكه جم دومان ايچينده
بير ياخشي بيتيريم يامان ايچينده
بير حقي دوغرولدام گومان ايچينده
شاخدادا بير آغاج باردا چئكه جم
بير سئلي چكه جم سارا قوينوندا
بير ديلي آسيلي چارا قوينوندا
بير ائلي يارديمسيز يارا قوينوندا
بير ديلي ديلچك سيز داردا چكه جم
تيكيلي بير آغيز چئكه جم بوما
بير درين باخيش كي، فيكره جوما
يوللا يام شكيلين تهرانا، قوما
بير ائلين يوخلوغون واردا چئكه جم
بير ايشيق چئكه جم اوزاقدان آتيب
بير دنيز چئكه جم دنيزه باتيب
بير ائلي چئكه جم مين ايلدي ياتيب
وارليغين بيلميرم هاردا چئكه جم
نئيله ييم؟ ديلسيز بير باش چئكنميرم
سينمده اوره ك وار داش چئكنميرم
ائليمين گوزينده ياش چئكنميرم
بو ائليمين ماهني سين، تاردا چئكه جم
ائليمي باهاردا واردا چئكه جم
يار آغلادي
یازار : amir
+0 به يه ن
يار آغلادي
يارين بويون قوجاقلاديم، يار آغلادي من آغلاديم
ييغيشدي قونشلار بوتون، جار آغلادي منئ آغلاديم
باشيندا قار قالان داغا، دانيشديم آيرليق سؤزون
بير آه چكيب باشيندا كي قار آغلادي من آغلاديم
تاريمدا نار آغاجلاري، مني گوروب دانيشديلار
بويومو زيتون اوخشادي، نار آغلادي
ائله كي اسدي بير خزان، تالاندي گوللريم منيم
خبر چاتينجا بولبوله، خار آغلادي من آغلاديم
اوره ك سؤزون دئديم تارا، سيمليري اولدي پارا پارا
يواش يواش سيزيلدادي، تار آغلادي من آغلاديم
دئديم كي حق منيمكيدي، باشيمي چئكديلر دارا
طناب كسنده بوينومو، دا آغلادي من آغلاديم
«جعفري»يم: بويوم بالا، غم سينمده قالا قالايار جانيمي آلا آلا، يار آغلادي من آغلاديم