ايل تزه لندي!، İl Təzələndi
یازار : amir
+0 به يه ن
بـايـرام يئلي اسـدي، گولعـزاريـم تـزه لندي
شـادليق گتيـرن خلقـه بـاهـاريم تـزه لندي
هر ايل بو گونو بـايـرام ائـديـر خلقيميز آزاد
تـاريخلـره ثبت اولدو، وقـاريـم تـزه لنـدي
گولشنده آچيب گول، ائله يير عالمي خوشحال
عشق اهلينه خوش نغمـه لي تـاريـم تـزه لنـدي
قيزلار بورونوب آل قومـاشـا عشوه، نـازايلـه
كؤنلوم سئوه ن عاشيق، دئيـه يـاريـم تـزه لنـدي
ائللر گئيينلر فخر لباسين بئله گونده
هفت سين دوزولن نقـشِ نيگـاريـم تـزه لنـدي
واحـد يـازاجاق مملكته، ملّته تبريك
ايل دؤندو، فلـك دونـدو، ديـاريـم تـزه لنـدي
علي آقا واحد
باهار، Bahar
یازار : amir
+0 به يه ن
بوراخدي غنچه لر پرده، بشارت بولبول زاره
شقايق پرده دن چيخدي بوياندي باغ ايله بستان
ايرشدي گلشني حسنون بوياندي رنگ ازهاره
مني منع ائتمه اي زاهد، گوونمه ذكره اي صوفي
كي سن مغرورسان ذكره منم مشتاق ديداره
كي هر بلهم اضل بيلمز ندور كي عشقين احوالي
ايرشمز قاصرين عقلي بو مغلق سر اسراره
عبير و مشك وعنبر تك رياحين دن چمن دولدو
سحرده طعن ائده ر ساچون نسين مشك تاتاره
كي چيخدي غنچه دن سنبل گريبان چاك ائده ر من تك
دليندي غصه دن باغريم، سن ائتمه اوره گيم پاره
چمنلر مختلف اولدي هزار الوان چيچك لردن
آچيلدي نرگس و لاله و نسرين، شكوفه گلدي اشجاره
آچيلدي نرگس ولاله توتوبدور ياسمن چادر
سؤيودلر ارغوان تيتره ر، قميشلر يئتدي انهاره
بنفشه گول تماشاسي غنيمت بيل كي بئش گوندور
ساتار معشوقه گول حسنون خريدار اول بو بازاره
ييغيلدي جانينا جاني، دمي عيسي نسيمي نين
وصال دردينه درمان ايرشدي جان بيماره
سيد عمادالدين نسيمي
بايرام خانيم، Bayam Xanim
یازار : amir
+0 به يه ن
سني تاري بايرام خانيم
راضي اولما من اوتانيم
بايرام دا يوخدور تومانيم
گئت تبريزه ، گلمه بيزه
من ده يوخ حوصله بايرام !
اليم بوشدور هله بايرام !
شيل اولاسان بئله بايرام
گئت تبريزه ، گلمه بيزه
بايرام اگر گلسن بيزه
بير شال گتير قارا قيزه
گتيرمه سن ، گت تبريزه
گلمه بيزه ، گلمه بيزه
گلسن بيزه آغام جاني
باشين ياررام ، آخار قاني
اوغلانين يوخدور توماني
گئت تبريزه ، گلمه بيزه
گؤرسن آخير چرشنبه ني
سؤيله اينجتمه سين مني
پلووون يوخ ياغي – دني
گئت تبريزه ، گلمه بيزه
ساققيزي سالميشام انگه
اوغلان گتدي مني تنگه
پول يوخدور وئرم فيشنگه
گئت تبريزه ، گلمه بيزه
بايرام ! واللاه يوخدور ناريم
ياري گورمه يه آپاريم
نار وئرمه سم ، كوسر ياريم
گئت تبريزه ، گلمه بيزه
وارلي يئيير ياغلي چيلوو
يوخسول چكر ، غصه – خينوو
بيزده يوخدور ، خوروز پيلوو
گئت تبريزه ، گلمه بيزه
يوخسول مين درده توش اولار
مني ايچمه دن سرخوش اولار
تبريز حالواسي خوش اولار
گئت تبريزه ، گلمه بيزه
معجز شبستري
گلدي بهار ايامي، Gəldi Bahar Əyyami
یازار : amir
+0 به يه ن
موژده اي ديل يئنه ده گلدي بهار ايامي
گتيرير باد صبا بولوبل اوچون پيغامي
آچيليب گولشن گول، عطري توتوبدير چمني
وجده گلميش بو كونول، يوخدي دخي آرامي
بير طرف پير و جواندير، بو طرفده من زار
نه گوزه ل بزمدي بو، ساقي دولاندير جامي
قاريشيبدير تاريلا هم يئنه لحن نئي و ناي
نعشه ي موسيقيدن مست دوشوبدور هامي
خبر آلديم نئچه كئسدن كي نه هنگامه دي بو؟
دئديلر بير نظر ائت، گوردوم او گول اندامي
بير الينده مئي گولرنگ،بير الينده گول تر
مات مبهوت ائليير گورسه عومر خيامي
قامتين، خال و خطين، ذيكيرلرين ائتدييجه
گوني گوندن حاجي نين ياخشيلاشير ايلهامي
حاج سيد عظيم شيرواني
باغرينه قان ائتمه!، Bağrinə Qan Etmə
یازار : amir
+0 به يه ن
((مجنـونـا دئيـن
يـوخـدور: اي عـاشيـقِ بيچـاره
ليلـي لـه نـه كـاريـن وار، قـويسـون سنـي آواره))؟
عشـق عـالمـي عشـاقــه بيــر واديِ محنتــديــر
فرهادي سالوب داغـه، منصـوري چكـوب داره
پـايـانِ غـم ِ عشقـي تفسيــره نــه حــاجــت وار
گـؤر، بيـر نئجـه پـروانـه شـؤق ايلـه يـانـار نــاره؟
دنيـا او قـدر ليلـي، مجنــون يئتيــروبــدوركــي
سـايسـان، نـه قـدر گـو گـده وار ثـابـت و سيّـاره
هر لالـه رخ عشقينـده اؤز بـاغـرينـي قـان ائتمـه!
هر دردي چكير بولبول، گول قسمت اولار خاره
بـي مهـر گــؤزه للــردن عــالمــده وفــا
اوُممــا
مئيليـن سـالاجـاق بـونـلار آخــر يئنــه اغيــاره
واحد! بيز اؤلـوب گئتـديـك،
مهـرايلـه،محبتلـه
دونيا دؤنـه جـك بيـر گـون بيـر صحنـه ٔ گلـزاره!
علي آقا واحد