يار آغلادي
یازار : amir
+0 به يه ن
يار آغلادي من آغلاديم
ييغيشدي قونشولار بوتون
جار آغلادي من آغلاديم.
باشيندا قار قالان داغا
دانشديم آيريليق سؤزون
بير آه چئكيب باشينداكي
قار آغلادي من آغلاديم.
"طاريم"دا نار آغاجلاري
مني گؤروب دانيشديلار
بويومو زيتون اوخشادي
نارآغلادي من آغلاديم.
ايله كي اسدي بير خزان
تالاندي گوللريم منيم
خبر چاتينجا بولبوله
خار آغلادي من آغلاديم.
اوره ك سؤزون دئديم تارا
سيملر اولدو پارا پارا
ياواش ياواش سيزيللادي
تار آغلادي من آغلاديم.
دئديم كي حق منيم كي دير
باشيمي چئكديلر دارا
طنف كسنده بوينومو
دار آغلادي من آغلاديم .
"جعفري" يم بويوم بالا
غم اورك ده قالا قالا
يار جانيمي آلا آلا
يار آغلادي من آغلاديم.
" اوستادهوشنگ جعفري"
ياشيل آغاج
یازار : amir
+0 به يه ن
كؤك اوسته بوداغي نئچه دي بيلديم
بوداغدا يار پاغي نئچه دي بيلديم
سا لخيمي ساچاغي نئچه دي بيلديم
بو ياشيل آغاجين آلتي بيزيم دير.
ساچاغي تيترشير تئللرين كيمي
يارپاغي اويناشير اللرين كيمي
آچيليب دويمه سي توللرين كيمي
بو ياشيل آغاجين آلتي بيزيم دير.
سو ايچر سئوگينين كؤكو عؤموردن
سئوگي ال اوزمه سين تكي عؤموردن
خوش بير خاطيره دير ايكي عؤموردن
بو ياشيل آغاجين آلتي بيزيم دير.
بو سئوگي، بولايلاي، بو بئشيك بيزيم
چكر نوبه ميزي بو كئشيك بيزيم
نه ييميزه لازيم ائو ائشيك بيزيم؟
بو ياشيل آغاجين آلتي بيزيم دير.
اوجاق آللاهين دير ايستي آللاهين
آتش آللاهين دير توستي آللاهين
بو ياشيل آغاجين اوستو آللاهين
بو ياشيل آغاجين آلتي بيزيم دير.
كؤنلو موز هاوالي گؤزوموزده آج
گنجليگين هاواسي با شيميزدا تاج
بيرسنسن بيرمنم بير ياشيل آغاج
بو ياشيل آغاجين آلتي بيزيم دير.
دن كيمي سپه له توخوم كيمي اَك
زليم خان بو آنين لذ تيني چك
هله بيزدن سونرا چوخو دييه جك
بو ياشيل آغاجين آلتي بيزيم دير.
"زليم خان يعقوب"
اورك دؤيونتولري
یازار : amir
+0 به يه ن
باهار ديندير‌‌‌‌‌نده اورك تئللرين
عشقيمي ياديما سالار هئي سالار
سحردن آخشاما ماوي گؤيلرده
گؤزلريم انتظار قالار هئي قالار
كنديمين اوستونده دورنا قاطاري
صف چكيب ياراندا آغ بولودلاري
خياليم بويلانار افقه ساري
فيكريمي داغ-داشا سالار هئي سالار
داغلارين اوستونه چيخاندا بولود
ايپك دستمالي‌ني سيخاندا بولود
ياغديريب ورياني ييخاندا بولود
دنيزدن الهامين آلار هئي آلار
باهارين نفسي قيشين سون سسي
باغلاردان اوجالار بولبول نغمه‌سي
بولودلو داغلارين شن ترانه‌سي
ذهنيمده خاطيره جالار هئي جالار
داغلاردان انيب ان آشار قوزولار
د‌ره‌دن د‌ره‌يه ياشار قوزولار
چوخ يئيب بعضا ده چاشار قوزولار
اينك‌لر بيزووي يالار هئي يالار
آل-الوان گئينر باغچادا ،باغدا
كهليك‌لر اوچاندا قايادا- داغدا
اوره‌ييم سازيني چالار هئي چالار.
ني كيمي
یازار : amir
+0 به يه ن
ناله دن دير ني كيمي آوازه ي عشقيم بلند
ناله تركين قيلمارام ني تك كسيلسم بند- بند
قيل مدد اي بخت، يوخسا كام دل ممكن دئيل
بويله كيم اول دلربا بي درد دير من دردمند
داغ لر دير اودلو كوكسوم دن قاراسي قوپماميش
يا ثبات عشق ايچون اود اوزره بير نئچه سپند
آچيلير كونلوم گهي كيم گريه ي تلخيم گوروب
آچار اول گلرخ تبسم بيرله لعل نوشخند
خاك راهيم دن مني قالديرا بيلمز سايه تك
قيلسا گردون آفتابين هر شعاعين بير كمند
"جام توت" دئيير ساقي گلچهره، زاهد ترك جام
كونول فكر ائيله گور كيم، هانسي دير توتماغا پند
اي «فضولي»، صورت فقرين قبول دوست دور
هيچ درويشي، سنين تك گورمه ديم سلطان پسند
حكيم فضولي
سارا بير آيدي بيزيم اللره آيسز گجه لر
یازار : amir
+0 به يه ن
سارا بير آيدي بيزيم اللره آيسز گجه لر
بير اوجا سسدي قولاق وئر اونا هايسز گجه لر
سارا بير باغدي طبيعتدن آليب قول بوداقي
بير شيرين ماهنيدي يانليزاوخيار ائل دوداقي
سارا بير قيزدي سودان سورمه چكيب گوزلرينه
جان دييب بيرده اوركدن آرازين سوزلرينه
سارا سئودا ايله دونياني آنان بير قيزدي
او قارانليق گئجه ني آيدين ائدن اولدوزدي
سارا سودا ايله دونياني آنان بير قيزدي
سارا غملر اوجاقيندا آليشان بير كوزدي
بير نجابتلي گلين دير ائله آسلان ساياغي
قويمادي قار ائده دنياسني چاقال اياقي
اوزوني آتدي سئله اوزگني حيران ائلدي
اويانان شمعيني پروانيه قربان ائله دي
قوشولوب سللره گتدي آنا يوردون ساراسي
قالدي شيرين اورگينده يئنه فرهاد ياراسي
باغلادي ساچلاريني قويمادي بيگانه گوره
آنا يوردون قيزي وئرمز ساچين هر كيمسه هوره
گلين اولدي آرازا اوردا تويون توتدي سارا
سوئله دي اوردا اورك سوزلريني نازلي يارا
آراز آغلار گوز ايله آلدي ساراي اللريني
دارادي ائل قيزينين بيرده قارا تللريني
گتدي گوزلردن اوزاق دوشدي ائلين بيردنه سي
گورمدي خان چوبانين آيريليقين سون نفسي
سارا گوز لر دن اوزاق دوشسده ايتمز اثري
بير ياراق تك سوزونون واردي هله چوخ كسري