يار آغلادي من آغلاديم

 يارين بويون قوجاخلاديم

 يار آغلادي من آغلاديم

ييغشديلار قوهوم قونشو 

جار آغلادي من آغلاديم

باشيندا قارلي داغلارا

 دانشديم آيرليق سوزون

بير آه چكيب باشينداكي

 قار آغلادي من آغلاديم

طاريمدا نار آغاجلاري

 مني گوروب دانيشديلار

بويومو زيتون اوشاخدي

 نار آغلادي من آغلاديم

ايله كه اسدي بير خزان

تالاندي گولليرم منيم

خبر چاتينجا بولبوله

خار آغلادي من آغلاديم

اورك سوزون دئديم تارا

سيملر اولدي پارا پارا

ياواش ياواش سيزيلدادي

تار آغلادي من آغلاديم

دئديم كي حق منيم كي دير

باشيمي چكديلر دارا

طنف سيخاندا بوينومو

 دار آغلادي من آغلاديم

جعفري يم بويوم بالا

غم سينمده قالا قالا

يار جانمي آلا آلا

آيريليق دوشتو آرايا

 يار آغلادي من آغلاديم . . .

شاعير: اوستاد جعفري