موسيقي نين قيمتي!، Müsiqinin Qiməti
یازار : amir
+0 به يه ن
مئيخانـه مجلسينـده گـره ك صحبـت اولمـاسيـن
بيركسده صحبت ايلـه مگـه جـرئـت اولمـاسيـن!
صحبت خيلافـديـر، دئميـرم، تـركيـن ائيلـه ييـن
مئي مجيلسينده، جهد ائله يين، غيبت اولماسين!
سرخـوشليـق ايتمـه، گـؤزلـه مئييـن احتـرامينـي
سالما آياغـا بـاده نـي، بـي حـرمـت اولمـاسيـن!
مئـي دن مـراد و ذؤق و صفـا آلمــاق ايســه گــر
مئي تك بوساطه ذؤق يئتير، نفـرت اولمـاسيـن!
ايچـديكجـه اهـل ِحـالـي ائـدر هـوشيـار مئــي
پـشمـرده لنمـه، قـابـل اوتـور، غفلـت اولمـاسيـن
پير ِمـوغـان او شخصـه ائـديـب بـاده نـي حـلال
ذاتينده، شبهه يوخ، كيم، اونون علت اولماسيـن!
سـن آدم اول، ادبلــه مئــي ايــچ، اوُيمــا جنّتــه
كوثر، جهنمـه! سنـه قـوي، قسمـت اولمـاسيـن!
مئي دير، خلاصه، روحه غـذا، بيـرده مـوسيقـي
بونلاردان اؤزگه عالي گـر ك نعمـت
اولمـاسيـن!
ظنيم خطا دئييل كـي، ديسـه م، مـوسيقـي كيمـي
صنعتلر ايچره اينجـه گـر ك صنعـت اولمـاسيـن!
هـر علمـه قيمـت اولـدو ايگيـرمنجـي عصــرده
بيريئرراولورمي، موسيقييـه قيمـت اولمـاسيـن؟!
واحيـد، او ملّـت كـي اونـون مـوسيقيسـي يــوخ
باتسين دا يئرلـي ديبلـي، ائلـه ملّـت اولمـاسيـن!
علي آقا واحد