سيغمازام
یازار : amir
+0 به يه ن
منده سيغار ايكي جهان من بو جهانا سيغمازام
گوهري لامكان منم كون و مكانا سيغمازام
عرشيله فرش و كاف وكان منده بولوندو جمله چون
كَس سوزوني اوزاتما كي شرح بيانه سيغمازام
كون ومكان دير آيتيم ذاته گئدر بدايتيم
سن بو نشانيله مني من بو نشانه سيغمازام
كيمسه گمان و ظن ايله اولمادي حقيله بيليش
حقي بيلن بيلير كي من ظن و گمانه سيغمازام
صورته باخ و معني ني صورت ايچينده تاني كي
جيسميله جان منم ولي جسميله جانه سيغمازام
هم صدفم هم اينجي يم حشر و صراط و سينجيم
بونجا قماش و رختيله من بو دكانه سيغمازام
گور بو اطيفني كي من دهرو زمانه سيغمارام
گرچه محيط اعظمم آديم آديمدي آديمم
واريله كُن فكان منم من بو مكانه سيغمازام
انجميله فلك منم وحي اولان ملك منم
چك ديليني سن ابسم اول من بو لسانه سيغمازام
ذره منم گونش منم چارله پنج و شش منم
صورتي گور بيان ايله من بو بيانه سيغمازام
ذات ايله ام هم صفاتيله قدريله هم براتيله
گل شكرم نباتيله بسته دهانه سيغمازام
شهد منم شكر منم شمس منم قمر منم
روح وروان باغيشلارام روح وروانه سيغمازام
اره يانان شجر منم چرخه چيخان حجر منم
گور بو اُودون زبانه سين من بو زبانه سيغمازام
گرچه بوگون نسيمي يم هاشمي يم قريشي يم
مندن اولودور آيتيم آيت شانه سيغمازام
مولانا نسيمي