كئفيم اولسون(عيسي زيني)
یازار : amir
+0 به يه ن
بير گون مني قانداللاياجاقلار، كئفيم اولسون!
دوستاقلارا پاي يوللاياجاقلار، كئفيم اولسون!
آرخامدا چوخور باختيما نيسگيل دولاجاقدير
كؤلگه‌مده اؤلوم ياللاياجاقلار، كئفيم اولسون!
بير قورخو اؤلوم گلدي اجل تابوتو داندي
مرمي‌يله ياشام توللاياجاقلار، كئفيم اولسون!
من گؤينه‌ييره‌م ائل ياراسين درد تاماهيندان
كؤكسومده شافاق ساللاياجاقلار، كئفيم اولسون!
ائل ساغليغينا آغري ايچيب كئفله‌نيره‌م من
قان قورشاغيمي خاللاياجاقلار، كئفيم اولسون!
داي سئودا نهدير؟دار باجاسيندان ايشيق آلماق
اول گون كي گونش داللاياجاقلار، كئفيم اولسون