انتظار
یازار : amir
+0 به يه ن
انتظار چكمك دن چتين ايش يوخ.تكجه انتظار چكن عاشقلر بو شعرين نه قدر آجي اولدوغوني دوشونرلر.
شهريارين سئوگيسيني رضا شاهين عمي سي اوغلو زورولا آلير و سئوگينين آناسي صون دفعه اولاراق اونو شهريارلا تهرانين بهجت آباد پاركيندا گوروشدورمك سوزوني وئرير.شهريار او گئجه ني سحره قدر اوردا گالير.بو شعر او گئجه نين وصفي ديرو منيم احوالاتيمين وصفي!
بهجت آباد خاطره سي
اولدوز ساياراق گوزله ميشم هر گئجه ياري
گج گلمه ده دير يار يئنه اولموش گئجه ياري
گؤزلر آسيلي يوخ نه قارالتي نه ده بير سس
باتميش گولاغيم گؤرنه دؤشور مكده دي داري
بير قوش آييغام! سويليه رك گاهدان اييلده ر
گاهدان اونودا يئل دئيه لاي-لاي هوش آپاري
ياتميش هامي بير آللاه اوياقدير داها بير من
مندن آشاغي كيمسه يوخ اوندان دا يوخاري
قورخوم بودي يار گلمه يه بيردن ياريلا صبح
باغريم ياريلار صبحوم آچيلما سني تاري!
دان اولدوزي ايسته ر چيخا گؤز يالواري چيخما
او چيخماسادا اولدوزومون يوخدي چيخاري
گلمز تانيرام بختيمي ايندي آغارار صبح
قاش بيله آغارديقجا داها باش دا آغاري
عشقين كي قراريندا وفا اولمياجاقميش
بيلمم كي طبيعت نيه قويموش بو قراري؟
سانكي خوروزون سون باني خنجردي سوخولدي
سينه مده أورك وارسا كسيب قيردي داماري
ريشخندله قيرجاندي سحر سويله دي: دورما
جان قورخوسي وار عشقين اوتوزدون بو قماري
اولدوم قره گون آيريلالي او ساري تئلدن
بونجا قره گونلردي ايدن رنگيمي ساري
گؤز ياشلاري هر يئردن آخارسا مني توشلار
دريايه باخار بللي دي چايلارين آخاري
از بس مني ياپراق كيمي هيجرانلا سارالديب
باخسان اوزونه سانكي قيزيل گولدي قيزاري
محراب شفقده ئوزومي سجده ده گؤردوم
قان ايچره غميم يوخ اوزوم اولسون سنه ساري
عشقي واريدي شهريارين گللي- چيچكلي
افسوس قارا يل اسدي خزان اولدي بهاري