iraniturk

سن  سوسوزسان ، عطش مني اوُلدورور

 بير ايچيم  سواولدم ... ايچ  مني  قورتار

 ساري  سونبول  كيمي  حسرتده   يانديم

 دولو دن ايستدوين ...  بيچ  مني  قورتار

     ***

قارا بولود   كيمي   ياغيشا   دوللام

آچيلماميش گول تك،غنچه ده سوللام

فتنه سئل تك آخسا،من كُورپون اوللام

مندن  كئچمه ليسن...كئچ مني  قورتار

    ***

 نـــــــادرم   منليـگيم   مـحبتيم   ديـــــر

 فلكين   روزيسي  ،   قانيم   اَتيم   دير

 بير جوت گَوز، واريوخدا ، واردولتيمدير

 قوربانليق  سئچيرسن ...سِئچ مني قورتار

***************** 

             دونن....

 دونن....

اوره ييمز  ياخين ...اليميز اوزاق

بيريميز  گونشده  ،  بيريميز  آيدا

گَل  بو سرحدلري  آرادان  پوزاق

حسرتلي حياتدان آخي نه فايدا ...؟   

بوگون ...

اينديسه  اللرين  الريمده   دير

آنجاق اوزاقلاشيب اوركلريميز

دييرم آ گولوم ! فايداسي  ندير؟

بير تاوان آلتيندا ياشاساقدا بيز...؟

                                   قورخولوقلار يئنه باغلانمادا بايقوش سسينه
                                   آي گئده ركن يئرينه ديرچه ليب آيلاندي گونش

من بو ايديم ازه ليـمده ن او دا گؤرمـوشدي مني
ايلك باخيشدا نه گومانلا منه باغلاندي گونش

                                   گئتدي يول لاردا قويوب آغلاري يورقون گؤزومو
                                   قاپ قارانلـيقدا منـه نورونو قيسقاندي گونش

بـيــر گؤيرچيـن مـنه اؤيـره‌نــمه‌ده تـئـز آيـريـلـدي
باغلانان عهدي سينيب ايلقاريني داندي گونش

                                   هوپولوب كؤنلومه هوپماقدا نه ده‌ن ديسكيندي
                                   يارپايغيمدان سوزولوب اؤزگه يه پايلاندي گونش

من سه هئچ اينجيمه ده‌ن ساخلاياجام شئعريـمده
ده رگيمه نور جالا يان باشداكي عونوان دي گونش

دونيا يولونون بير قارانليق دونگه لرينده گرفتار اولموشام.

اوز اليوينن سينديم ...

آما سن...يانليزليخدا سينماغيمي گورماغادا گلمدين

       مدرسه ده موعلليم    ينه دوءدويده اليمدن     باجار ماديم فارسيني 

           ايراد توتدوديليمدن

        دئديم : آغا موعلليم      وورما ، گوينه دي اليم        نه دير آخي گوناهيم

           توركودورمنيم ديليم

        يا پيشدي قولاغيمدان دئدي : بوراخ توركونو      اوقالدي ائوينيزده

          اونوت گئتسين كو كونو

      اوء يره نمه سن  آب -  بابا    آچاجاقسان اليني كو تك ييه ندن سونرا

           اونودارسان ديليني

      سنين هاران توركدور؟ آذريسن ، آذري       كيم او يره ديبدير سنه

         بئله يانليش سوء زلري

     آخدي گوزومون ياشي    تيتره دي ديل -  دوداغيم  بئله يالان سوزلره

         اينانمادي قولاغيم

     آنام مني اويدورماز   آتام مني آلداتما ز   بو سو زلرين هئچ بيري

          منيم عاغليما باتما ز

       نييه منيم آديمي   سوروشما ييراوئزومدن    نييه سوء زون دوزونو

            اوخوماييرگئوزومد ن

      هركس يالان دانيشسا    آلاهين دوشماني دير  من كي يالان دئميرم

            بو اونون يالاني دير

            لايلاي دئيبديرآنام منه بئشيكده توركو   دانيشميشق هاميميز

                ائوده ائشيكده توركو

           نه دن گرك يازماياق   ديليميزي كيتابا    مدرسه ده نه اوچون

                   گلمه يك بيز حسابا ؟

          يقين كوتك يئمزديم   اوخو سايديم ديليمي   گ ينرتي سخمازديم

                   قولتو غوما اليمي

        قوي بو يويوم بير اوزوم   اولاجاغا م موعلليم   اوندا چوخ ايش گوره جك

             بوگون گوينه ين اليم

         كيلاسيمدان گله جك   ائليميزن اوز سسي  اولاجاقدير او زمان  

  توركون ده مدرسه سي