سن سوسوزسان(نادر الهي)
یازار : amir
+0 به يه ن
سن سوسوزسان ، عطش مني اوُلدورور
بير ايچيم سواولدم ... ايچ مني قورتار
ساري سونبول كيمي حسرتده يانديم
دولو دن ايستدوين ... بيچ مني قورتار
***
قارا بولود كيمي ياغيشا دوللام
آچيلماميش گول تك،غنچه ده سوللام
فتنه سئل تك آخسا،من كُورپون اوللام
مندن كئچمه ليسن...كئچ مني قورتار
***
نـــــــادرم منليـگيم مـحبتيم ديـــــر
فلكين روزيسي ، قانيم اَتيم دير
بير جوت گَوز، واريوخدا ، واردولتيمدير
قوربانليق سئچيرسن ...سِئچ مني قورتار